Honor 10 Lite Announced: Check Here For Price, Specifications And More

Kaafi samay se leaks aur rumors ke beeche bane phone Honor 10 Lite ko finally aaj mein China mein launch kar diya gaya hai. Honor 10 Lite Honor 10 smartphone ka hi ek down variant hai. Jaha Honor 10 ek flagship range smartphone tha wahi Honor 10 Lite ko budget range customers ke liye launch kiya hai. Phone ko kaafi bhadiya features aur specification ke saath launch kiya gaya hai. Phone ki highlight iski screen hai jaha isme aapko water drop notch display di gayi hai.

Sabse pehle phone ke look ki baat karein to yeh phone bahut hi attractive gradinet colors mein launch kiya gaya hai jaha aapko phone mein 4 color option mil jaate hain, Midnight black, Lily valley White, Gradient Red aur Gradient Blue. Phone mein aapko 6.21 inch ki FHD+ display di gayi hai jo ki 2.5D curved glass ke sath aati hai. Jaha screen ka aspect ratio 19.5:9 milta hai. Phone mein di gayi kam bezels ki wajah se aapko phone ka body to screen ratio bhi 90% milta hai.

Phone ke hardware ko strong banate huye Honor 10 Lite mein Huewai ka Octa-Core Kirin 710 processor diya gaya hai jiski clock speed 1.4Ghz ki di gayi hai. Phone mein aapko ARM Mali-G51 MP4 GPU diya gaya hai. Phone mein EMUI 9.0 based Android 9.0 Pie OS milega. Honor 10 Lite ko 3 different variants mein launch kiya gaya hai jaha aapko 4GB RAM 64GB ROM, 6GB RAM 64GB ROM, 6GBRAM 128GB ROM ka option milta hai. jise aap micrSD card ki help se 256GB tak expand kar sakte hai. Phone 34oomAh ki battery capacity ke saath aata hai.

Phone ke optics ki baat karein to Honor 10 Lite mein 13MP ka primary camera aur 2MP ka secondary camera LED flash ke saath diya gaya hai. Wahi front facing camera 24MP ka milta hai jaha AI based portrait aur AI based beautification mode ka option mil jata hai.

 

Phone mein rear mounted finger print scanner ka option aapko milega. Wahi phone mein dual nano sim slot diye gaye hain. Connectivity ke liye phone mein dual 4G VOLTE ka support milta hai. Iske alawa phone mein Wi-Fi, Bluetooth, GPS+GLONASS ka option bhi diya gaya hai.

Honor 10 Lite China mein 22nd November se sale ke liye available ho jaaega. Jaha Chinese market mein 4GB/64Gb variant ki price CNY 1,399 (Rs 14, 370 approx.), 6GB/64GB variant ki price CNY 1,699 (Rs 17,450 approx.) aur 6GB/128Gb variant ki price CNY 1,899 (Rs 19,500 approx.) rakhi gayi hai. Jaise Honor 10 ko China launch ke baad India mein launch kiya gaya tha, waise hi expect kiya jaa raha hai month end tak ya fir December starting mein Honor 10 Lite ko bhi India mein launch kar diya jaaega.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: