China Mein Launch Hua Coolpad M3, Face Recognization, FPS Jaise Features Ke Saath Jaaniye Kya Hai Price

Chinese smartphone maker company Coolpad ne bina kisi major announcement ke China mein ek naya smartphone launch kiya hai. Jo Coolpad ki M series se hai, Coolpad M3. Coolpad M3 ko entry level phone segment mein launch kiya gaya hai. Haalnki company apne  jyadatar phones ko affordable price range mein hi launch karti hai. Wahi yeh phone bhi ek affordable pirce range ke saath launch kiya gaya hai.

firstly phone ke look ki baat karein to phone 2 color variants mein launch kiya gaya hai, Gentlemen’s Enamel Black aur Blue Sea. Iske alawa Coolpad M3 mein Media Tek MT6750 chipset diya gaya hai jise Mali-T860 MP2 GPU ke saath pair kiya gaya hai. Phone mein aapko 2800mAh ki battery milti hai jo ki 5V/2A ki charging ko support karti hai.

Coolpad M3 mein 5.85 inch ki LCD display di gayi hai jo ki wide notch ke saath aati hai. Phone mein screen ka resolution 1515×720 pixels diya gaya hai jiska aspect ratio 19:9 milta hai. Phone mein aapko AI technology based face recognization feature bhi diya gaya hai. Saath hi rear panel par finger print scanner ka option bhi milta hai.

Phone ke optics ki baat karein to Coolpad M3 mein dual rear camera LED flash ke saath diya gaya hai. 13Mp ka primary camera aapko yaha milta hai lekin secondary camera ko le kar company ne koi specification nahi batayi hai. Wahi front facing 5MP ka diya gaya hai. Front facing camera mein face identification, beauty mode jaise kuch bhadiya features bhi diye gaye hain.

Phone ke storage ki baat karein to yeh phone single storage option mein launch kiya gaya hai jaha aako 4GB RAM aur 32GB internal storage ka option milta hai. Phone ke storage ko microSD card ki help se expand bhi kar sakte hain. Phone ke Operating System ki baat karein to yeh phone Android 8.1 Oreo ke saath launch kiya gaya hai.

Network aur connectivity ke liye aapko phone mein 4G VOLTE, Bluetooth, Wi-Fi, GPS, GLONASS jaise option mil jaate hain. Yeh Phone dual nano sim support karta hai. Phone mein audio output ke liye 3.5mm headphone jack bhi diya gaya hai.

Jaisa ki humne aapko shuruaat mein bataya ki yeh phone abhi sirf China mein launch kiya gaya hai, isliye Indian market mein iss phone ki availability ko le kar abhi koi update nahi di gayi hai. China mein iss phone ko CNY 7,99 (Rs 8,000 approx.) ki price par launch kiya gaya hai. China mein yeh phone Chinese e-commerce website JD.com par pre-order ke liye available hai. Jaha yeh phone 28 November se customers ko milna shuru ho jaaea.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: