CES 2019: Samsung, ASUS, ACER Aur HP Ne Showcase Kiye Apne Products

Halaanki CES 2019 ka pehla din kal yaani ki 8th January hai, lekin bahut si companies aise big events se ek din pehle hi inki shuruaat kar deti hain. CES 2019 se kuch ghante pehle hi ASUS, Samsung, ACER aur HP ne apne premium laptops introduce kiye hain. Aaiye jaante hain ki inki khaasiyat kya hai.

ASUS

Sabse pehle baat karte hain, ASUS ke new gaming laptops ki jinmein new ZenBook 14 UX431, ZenBook S13 UX392 aur StudioBook S W700 shaamil hai. In teenon laptops ki price company ne announce nahin ki hai. ZenBook 14 UX431 aur ZenBook 13 UX392 mein 1.8 GHz Intel Core i7-8565U, 4C/8T chipset hai aur dono mein hi full HD display di gayi hai. ZenBook 13 mein aapko 13.9 inch ki NanoEdge display ultra slim bezels ke saath milti hai, jabki ZenBook 14 mein 14 inch NanoEdge display hai, jiske bezels thode thick hai aur ye 16:9 ratio ke saath aayega.

Jabki iske high-end laptop StudioBook S W700 mein 17 inch ki FHD display, aapko anti glare panel aur 178 degree wide viewing angles ke saath milti hai. Wahin ismein 2.7 GHz ki cock speed ke saath Intel Xeon E-2176M, 6C/12T processor aur NVIDIA Quadro P3200 GPU hai.

ZenBook 14 aur 13 mein jahaan 16GB tak ki RAM hai, wahin StudioBook mein 64GB DDR4 RAM aur 4TB storage hai.

 

ALSO READ: Top Fashion Designer In India, Check Out List Here To Know More

Samsung

Samsung ne bhi naya Notebook Odyssey announce kiya hai. Ismein aapko Intel 8th generation hexa-core i7 processor milta hai aur slim bezels ke saath 15.6 inch ki full HD display hai, jo 144Hz refresh rate ke saath aayegi. Ismein aapko Dolby Atmos support ke saath stereo speakers milte hain aur saath hi 16 GB RAM aur 256 GB NVMe SSD/ 1 TB HDD storage di gayi hai.

Notebook Odyssey mein two well-designed Jet Blade blowers aur ek penta pipe cooling system hai, jo iski speed ko fast aur system ko cool rakhe mein help karta hai. Ismein ek Odyssey mode hai, jo aapko multiple profiles mein settings ko save rakhkar various games khelne mein bhi help karta hai. Ismein diya gaya Beast mode bhi aapko software ke according performance modulate karne mein madad karta hai. Saath hi ismein kisi game competition ke dauraan aap game lighting ko bhi Black Equalizer ke through improve kar sakte hain. Ye ek gaming laptop hai, jiska price abhi announce hona baaki hai.

HP

HP ne bhi 15.6 inch ki AMOLED display ke saath ek naya convertible laptop announce kiya hai. Iske alawa company ne OMEN 15 gaming laptops ke liye upgrades bhi announce kiye hain. OMEN 15 gaming laptop mein aapko 240Hz refresh rate display aur Intel’s six-core Core i7-8750H processor milta hai. Saath hi company ne Chrome OS par chalne wala first laptop bhi announce kiya hai.

HP Spectre X360, jo ki 15.6 inch display ke saath aaya hai, uska price USD 1,370 (approx. 96,000 INR) hai, jabki other laptops ke prices ke baare mein company ne abhi nahin bataaya hai.

 

ALSO READ: In Sabhi Options Mein Money Investment Karke, Aap Kar Sakte Hain Apna Future Secure

ACER

Acer ne bhi Swift 7 aur ChromeBook 315 reveal ki hai. Ye dono hi AMD powered Chrome OS ke saath aane waale pehle laptops hain. Swift 7 mein aap 14 inch ki full HD display Corning Gorilla Glass 6 protection ke saath dekhenge. Ismein 8th Gen Intel Core i7-8500Y processor hai aur power button mein hi fingerprint sensor bhi embed kiya gaya hai. Wahin ChromeBook 315 mein 15.6 inch ki full HD display 178 degree wide viewing angles ke saath di gayi hai. Ismein aapko Google Play store ke saath sabhi Android apps ka support bhi milega.

ACER Swift 7 ki cost USD 1,699 (approx. 1,18,000 INR) aur ChromeBook 315 ki price $279.99 (approx. 19,500 INR) se start hai.

Iske alawa is big tech event  mein aur kya launch hone wala hai, ye hum aapko kal btayenge.

ALSO READ: Check Out The Story Behind Every Famous Brand’s Logo

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: