Certification Site Par Leak Huye Realme 6 Ke Specifications, Android 10 Ke Saath Hoga Release

Last year ke end se hi Realme 6 ke rumors ke kaafi zor pakada hai. Halaanki ab tak ye sirf afvaahein thi, lekin aaj Wi-Fi alliance certification site par Realme 6 nazar aaya, jahaan se iske kuch specs bhi reveal huye. Halaanki abhi tak company ki taraf se is phone ki koi official charcha nahin hui hai. Lekin is handset ka launch jaldi hi expect kiya jaa raha hai kyunki ise haal hi mein BIS approval ke dauraan bhi dekha gaya tha.

Wi-Fi Alliance listing ke dauraan, Realme 6 RMX2001 model number ke saath nazar aaya aur ye pehle confirm ho chuka hai ki ye model number Realme 6 ka hi hai. Saath hi most importantly ye bhi pata chala ki ismein kaun sa chipset milne waala hai. Is smartphone mein company MediaTek ka Helio G90 chipset dene waali hai. Agar ye handset is chipset ke saath aata hai, to Helio G90 ke saath release hone waala ye world ka first smartphone hoga.

Iske alawa ye bhi pata chala hai ki ismein aapko Android 10 OS milega aur ho sakta hai ki ismein bhi latest company ki custom user interface realme UI ho. Iske alawa kuch samay pehle leak hui Realme 6 ki live image mein ye bhi nazar aaya tha ki ye punch-hole selfie camera ke saath aayega jo ki center mein moujood hoga.

Ismein aapko dual SIM support milega aur 2.4 GHz & 5GHz Wi-Fi bands support bhi hoga.

Realme 6 ke price ko lekar bhi ye rumors saamne aaye hain ki iski kimat RMB 1,000 hogi, jo ki lagbhag 10,000 INR hota hai.

Well, Realme 6 ko Wi-Fi Alliance, BIS aur IMDA certification sites se approval mil chuka hai. Ab dekhna ye hai ki company iske launch ka announcement kab karti hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: