Cable Aur DTH Operators Ko Takkar Dene Ke Liye, Amazon India Mein Lekar Aa Raha Hai – Prime Video Channels

Amazon India mein apni ek nayi entertainment service launch kar sakta hai, jo Prime Video Channels hai. Haal hi mein Television post ki ek report ke according ye khabar saamne aayi hai, ki Amazon India mein jaldi hi is service ki shuruaat kar sakta hai, jahaan aap DTH ya cable par milne waale kisi bhi channel ka saara content Prime Videos par dekh sakenge.

Aaiye jaante hain ki actually Amazon Prime Video Channel service kya hai aur ye kis tarah kaam karti hai.

  • Sabse pehle ye service sirf Amazon Prime members ke liye hogi, to agar aapne abhi tak Prime membership nahin li hai, to jaldi purchase kar lijiye.
  • Is service mein kisi bhi TV channel ka content aap Prime Videos ke through dekh sakenge, jaise ki Colors TV, Star Plus, HBO, etc.
  • Abhi tak aap Prime Videos par wahi videos ya content dekh paate hain, jo wahaan available hai, lekin is service ke aane ke baad, regular channels ko Prime Videos ke through live dekha jaa sakega.
  • Amazon Prime Video Channels is service ko paane ke liye har TV channel ka different cost hoga aur aapko jo bhi channel chahiye aap one-by-one choose kar sakte hain, unke charges pay karne par aap un choose kiye huye channels ka content Prime Videos par live dekh paayenge aur un par pehle telecast ho chuke kisi bhi show ko bhi enjoy kar sakenge.
  • Amazon ki is upcoming service mein DTH ya cable ki tarah, TV channels ke pack ya bundle lene ki koi zaroorat nahin hai, jo bhi channel aa chahein, chun sakte hain.
  • Amazon ki is service mein kaun se channel offer kiye jayenge ya unke respective prices ko lekar abhi koi information nahin hai.

Amazon ki ye service is samay US aur UK mein available hain, jahaan Amazon Prime Video Channels par HB0, Showtime, Cinemax, Starz, Mubi, Comic Con HQ, History Vault, and Comedy Central Stand-Up included hain. HBO ka cost $14.99, Showtime ka $8.99 aur Cinemax ka cost $9.99 itna hai. Isi tarah India mein Hindi channels available ho sakte hain.

Saath hi Amazon ki is service se DTH aur Cable operators ko bhi achhi takkar mil sakti hai, kyunki DTH ya cable mein aap lagbhag 350 to 450 INR ka monthly rental plan lete hain, jabki Amazon ki is nayi serice mein aapko ek-ek channel abhi marzi se chunne ka right hai. Saath hi ab tak Prime Videos par available web-series ya other content TV ke mukaable kaafi low cost mein available hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: