Budget Smartphone Realme C2 India Mein 5,999 INR Ki Starting Price Par Launch Hua

Aaj Realme apna naya smartphone Realme 3 Pro announce karne jaa raha hai, lekin isse thik pehle company ne last year launch huye Realme C1 ke successor, Realme C2 ko India mein launch kar diya hai. Ye ek budget smartphone hai, jo Diamond Blue aur Diamond Black colors mein 15th May se Flipkart aur Realme.com par hi available hoga.

Badhte hain is handset ke specs ki taraf, Realme C2 mein 6.22 inch ki HD+ dewdrop display di gayi hai, jo ki 19.5:9 aspect ratio ke saath hai. Is smartphone mein Octa Core MediaTek Helio P22 processor diya gaya hai, jiski clock speed 2.0 GHz hai aur saath hi 650MHz IMG PowerVR GE8320 GPU bhi yahaan par moujood hai.

Iske alawa Realme C2 mein bhi aapko 13 + 2 MP ka dual rear camera setup milta hai aur front par 5 MP ka selfie camera fit kiya gaya hai. Is smartphone mein triple card slots hain, jinmein dual SIM slots aur ek dedicated microSD card slot shaamil hai. Realme C2 mein 4000mAh ki badi battery milti hai aur Color OS 6.0 ke saath ismein bhi Android 9.0 Pie OS diya gaya hai.

Ab pricing ki baat karte hain. Is entry-level smartphone ko company ne two storage options mein release kiya hai, jinmmein 2GB RAM ke saath 16GB storage hai, jiski kimat 5,999 INR hai, wahin 3GB RAM ke saath 64GB internal memory version ka price kewal 7,999 INR hai. Saath hi Jio users ke liye is smartphone par 5,300 INR ke offers bhi diye jaa rahe hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: