Budget Phones Ko Takkar Dene Ke Liye Samsung Ne India Mein Launch Kiye Galaxy M10 And M20: Check Karein First Impressions Video

Samsung ki nayi budget M-series aaj India mein aa chuki hai, kaafi dinon se rumors mein nazar aa rahe Galaxy M10 aur M20 aaj India mein launch kiye gaye. Decent design aur 7,990 INR ke start price ke saath ye dono smartphones two storage variants mein available honge, jinke price aap neeche dekh sakte hain. Saath hi Galaxy M10 and M20 ke first impression aur unboxing aap neeche di gayi video mein dekh sakte hain.

Galaxy M20

Galaxy M20 ki baat hum pehle karte hain. Ye smartphone 6.3 inch ki full HD+ display ke saath aayega aur ismein Octa Core Exynos 7904 chipset hoga, jiske two Cortex A73 cores ki clock speed 1.8 GHz hai, kjabki six Cortex A53 cores ki clock speed 1.6 GHz.

Galaxy M20 mein 13+5 MP ka dual rear camera setup hai, jabki front par 8 MP ka selfie camera hai. Wahin ismein aapko 5000mAh ki battery, fast charging ke saath milti hai. Halaanki kewal 15 minutes ki charging mein ye handset aapko 3 hours ka talktime deta hai, aur full charge hone mein 150 minutes ka samay ise lagta hai. Is smartphone mein oval shape mein ek fingerprint scanner rear panel par placed hai aur saath hi face unlock bhi moujood hai.

Is handset ke camera ka performance bhi is price range mein achha hai.

Galaxy M10

Galaxy M10 mein 6.2 inch ki HD+ display hai aur yahaan aapko 1.6 GHz Octa Core Exynos 7870 processor diya gaya hai. Galaxy M10 mein bhi 13+5 MP ke hi dual rear cameras hain, lekin front par yahaan 5 MP ka shooter hai. Lekin yahaan aapko kewal face unlock hi milta hai, is handset mein fingerprint sensor moujood nahi hai. Ismein aapko 3430mAh ki battery milti hai, lekin yahaan fast charging nahin hai.

Dono hi smartphones mein aapko Infinity-V display milti hai, aur us V shape ki notch mein hi front camera moujood hai. Saath hi Galaxy M20 aur M10 ki display par aapko Asahi DragonTrail Glass Pro protection bhi di gayi hai. Software ki baat karein to, in dono handsets mein Samsung Experience 9.5 UI diya gaya hai, jo Android 8.1 Oreo OS par based hai.

Ab baat karte hain, pricing ki,

  • Galaxy M10 2GB+16GB variant – 7,990 INR
  • Galaxy M10 3GB+32GB model – 8,990 INR
  • Galaxy M20 3GB+32GB version – 10,990 INR
  • Galaxy M20 4GB+64GB model – 12,990 INR
Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: