Budget Phone Redmi 7A Ki India Launch Date Announce Hui, India Variant Mein Milega Ek MASSIVE Upgrade

Redmi K20 aur K20 Pro ke launch ka sabko kaafi intezaar hai, lekin wahin ye expect bhi kiya jaa raha tha ki in dono smartphones ke saath hi company Redmi 7A ko bhi India lane waali hai. Lekin aaj Xiaomi India Head, Manu Kumar Jain ne Redmi 7A ki India launch date announce kar di hai aur wo Redmi K20 series se pehle hi launch hone waala hai.

Redmi 7A ko India mein 4th July ko announce kiya jayega. Is phone ki listing, Flipkart par already live hai aur ye ek Flipkart exclusive smartphone hi hone waala hai. Halaanki iske alawa aap ise Mi.com aur Mi Home Stores se bhi kharid paayenge. Agar aap is handset mein interested hain to instant notifications paane ke liye register kar sakte hain.

Manu Kumar Jain ne Twitter par Redmi 7A ka invite show kiya hai, jismein ise “Desh Ka Smartphone” kaha gaya hai aur launch date 4th July mention ki gayi hai. Redmi 7A China mein May mein announce ho chuka hai aur same ab India mein bhi aane waala hai. Lekin Xiaomi India Head ke according, Redmi 7A India variant mein ek MASSIVE feature upgrade milega, but wo kya hoga, ye abhi suspense hi hai.

Redmi 7A mein 5.45 inch ki HD+ IPS LCD display hai, Snapdragon 439 chipset hai. Iske alawa phone mein 2GB / 3GB RAM options aur 16GB / 32GB storage options hain. Camera sections mein aapko 13 MP ka rear camera, LED flash light ke saath aur selfie camera, 5 MP resolution ke saath milne waala hai. Battery bhi aapko yahaan 4000mAh ki milti hai. Maana jaa raha hai ki is handset ki expected price approx. 5,500 INR hogi.

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: