Budget Phone Meizu C9, India Mein 4,999 INR Ke Introductory Price Par Launch Hua

Meizu C9

Meizu ne finally India mein aaj apne budget smartphone ke saath wapasi kar li hai. Is smartphone ko aaj New Delhi mein Meizu C9  ke naam se launch kiya gaya hai. Ye ek budget smartphone hai aur Amazon exclusive hai. Iski kimat yahaan par 5,999 INR rakhi gayi hai, lekin introductory price 4,999 INR hai, jo baad mein increase ki ja sakti hai. Sath mein Meizu ne Jio aur Amazon ke sath collaboration kar kaafi achhe data offers bhi diye hain.

Meizu C9
Meizu C9

Ye smartphone plastic ka bana hua hai aur right side mein volume rocker aur power button diya gaya hai. Wahin bottom edge par 3.5mm audio jack aur micro USB port moujood hai. Ye ek lightweight smartphone hai, jismein battery removable hai aur SIM slots bhi aapko yahin insert karne honge. Meizu C9 ke saath aapko box mein charging cable, 5V / 1 Amp ka charger aur battery milti hai.

Exif_JPEG_420
Exif_JPEG_420

Ab iske front ki baat karein to aapko yahaan 5.45 inch ki full view display HD+ resolution aur 18:9 aspect ratio ke saath milti hai. Iske alawa screen ke upar ek earpiece aur 8 MP ka front camera milta hai.

Meizu C9 mein 1.3 GHz ki clock speed par Quad-core SC9832E processor milta hai aur saath hi 2GB RAM ke saath 16GB internal memory di gayi hai, jise aap microSD card slot ke saath 128GB tak extend kar sakte hain.

Is smartphone mein Android 8.1 Oreo OS diya gaya hai. Halaanki pehle Meizu ke phones mein aapko Flyme UI milta tha, lekin yahaan par stock Android mil raha hai. Software mein jo nayi cheez aap yahaan dekhenge, wo ye hai ki aap yahaan navigation bar change kar sakte hain. Iske alawa aapko yahaan face unlock feature bhi mil raha hai, jo average hai.

Meizu C9 mein 13 MP ka rear shooter hai, jisse liye gaye photos mein aapko achhi detailing nazar aayegi. Colors bhi natural hai aur daylight ki images mein aapko koi shikayat nahin hogi. Iske alawa dim-light mein iski flash ke saath li gayi tasveerein bhi achhi hain. Ab hum baat kartein hain selfie camera ki, jismein aapko portrait mode bhi diya gaya hai. Iski details bhi above average hain.

Jada jaankaari ke liye aap yeh video bhi dekh sakte hain.

Is smartphone mein aapko 3000mAh battery milti hai aur dual SIM support bhi hai.. Overall dekha jaaye to, Meizu C9 ki performance achhi hai, is price range mein aap is smartphone ko zaroor consider kar sakte hain. Aur aakhir mein Meizu ne launch kiye 2 wireless earphone “POP” jo ki wireless earbuds hain aur inki price rakhi gayi hai 6999 INR , wahin EP52lite jo wireless earbuds and neck band form mein jiski price rakhi gayi hai 1999INR, dono wireless earphones jaldi hi market mein available honge.

 

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: