Budget 2019 Aaj Hua Announce, Tax Payers Ko Mili Kitni Raahat Aur Kisaano Ke Liye Kya Hai Iss Budget Mein

Modi Government ke under mein year 2019 ka budget pesh kar diya hai. Kuch logon ke liye yeh kaafi faydemand saabit hone wala hai to wahin kuch logon ki ummid ko iss budget ne niraash bhi kiya hai. Financial Minister Piyush Goyal ke iss budget ne tax payers ko khush karne mein koi kasar nahi ki hai. Iss budget mein har category ke tax payer ke lye kuch diya gaya hai. Inn sab ke alawa kuch yoganaon ke andar hone wale benefits ko bhi clear kiya hai. Jo aane wale samay mein middle class person ke liye faydemand saabit hone wali hain.

 

Jin logon ki annual income (salana Aay) Rs. 5 Lakh ya is se kam hai unhe tax payment mein off diya jaaega. Lekin iske opposite jinki annual income Rs. 5 lakh se jyada hai unhe tax pichle niyamon ke anusaar hi dena padega. Iske alawa investment option ke saath agar aapki income Rs 6.50 Lakh hai tab bhi aapko koi tax nahi dena hoga.

 

Iss budget ke dauraan Financial Minister Piyush Goyal ne ek nayi scheme ka announcement bhi kiya hai jiska naam hai ‘Pradhanmantri Shram Yogi Mandhan Yogna’. Iss scheme ke anusaar non-organised sector mein kaam karne wale workers, jinhe Rs 15,000 tak ki aay milti hai unhe Rs 3,000 pension di jaaegi. Scheme ki according 60 saal ki age ke baad workers ko Rs. 3,000 ki pension har mahine di jaaegi. Yeh abhi tak ki sabse badi pension yogna hone wali. Iske liye workers ko 29 saal ki age se pehle hi registration karana padega. Jahan unhe har mahine Rs 100 deposit karne padenge. Aur agar aap iss scheme mein 18 saal ki age mein hi registration karawa lete hain, to aapko Rs 55 har mahine deposit karne padenge.

 

Iss budget mein kisaano ke liye bhi ek announcement ki gayi hai. Haalanki iska notification abhi jaari nahi kiya gaya hai. Iss announcement mein kisaano ke account mein March se pehle  Rs 2,000 diye jaaenge. Iss yogna ka naam Pradhanmantri Kisaan Sammaan Nidhi Yogna hai. Iske alawa iss budget mein women, middle class, poor category ke liye bhi kaafi kuch announce kiya gaya hai. Iske alawa woh kisaan jinke pass 2 Hectare se jayda jameen hai unhe har mahine Rs 500 ya yun kahen ki saal mein Rs 6,000 diye jaaenge.

 

Inn sabhi ke alawa rental income par TDS limit 1,80,000 se bhada kar 2,40,000 kar di gayi hai. Wahin pehli baar aiss hua hai jahan vision 5 saal ka nahin 10 saal ka bataya jaa raha hai. Iss vision ke liye Financial Minister Piyush Goyal ne kaha ki aane wale samay mein desh ki economy  $10 Trillion ki hogi.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: