Breaking News ! New Xiaomi Smartphone With Snapdragon 730, Coming To India Very Soon

Jahaan Redmi ne Snapdragon 675 chipset ke saath Redmi Note 7 Pro ko launch karke sabko chaunka diya, wahin Realme 3 Pro ko company ne iski takkar mein Snapdragon 710 chipset ke saath launch kiya. Aur ab Xiaomi India head Manu Kumar Jain ne ye confirm kar diya hai ki jaldi hi Snapdragon 730 chipset ke saath India mein ek smartphone launch kiya jayega.

Snapdragon 730 aur Snapdragon 730G, abhi two weeks pehle hi announce kiye gaye hain. Sabse pehle Samsung ne apne Galaxy A80 mein Snapdragon 730G diya hai aura b Xiaomi bhi jaldi hi Snapdragon 730 ke saath India mein naya smartphone lekar aane waala hai.

Xiaomi India Head, Manu Kumar Jain ne, aaj Twitter par ek image share ki jismein wo Qualcomm ke do executives ke saath nazar aaye. Saath hi unhone tweet karte huye likha hai ki “Qualcomm ke executive Rajen aur Kedar ke saath meeting achhi thi. Saath hi unhone likha, “A new #Xiaomi phone with latest #Snapdragon 7_ _ (announced just 2 weeks ago) is coming to India very soon!”.

Well, isi week Redmi ne Redmi Y3 aur Redmi 7 ko India mein launch kiya hai, aur ab company is naye smartphone ke launch ki taiyaari mein jut gayi hai. Lekin ye phone Redmi nahin balki Mi branding ke saath aa sakta hai. Ji haan! Expect kiya jaa raha hai ki ye upcoming smartphone Mi A3 ho sakta hai, halaanki last year Mi A2 ko August mein launch kiya gaya tha, lekin is baar company apna next stock Android phone thoda jaldi launch kar sakti hai. Ek leaked image se ye bhi saamne aaya hai, ki is smartphone mein 4000mAh ki battery aur triple rear cameras bhi moujood honge, jinmein 48 MP ka primary camera, 8 MP ka secondary aur 13 MP ka third rear camera moujood hoga.

Isi ke saath ye bhi kaha jaa raha hai, ki aane waala Snapdragon 730 chipset wala smartphone, Snapdragon 710 chipset ke saath aaye Realme 3 Pro par bhaari pad sakta hai.

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

hi हिन्दी
X
%d bloggers like this: