10th October Se Amazon Par Is Price Tag Ke Saath Available Hoga BlackBerry Evolve

August mein launch hua BlackBerry Evolve finally ab Amazon par sale ke liye available hone wala hai. Ye phone Amazon India par 10th October se available hoga. Launch ke samay is handset ke September mein hi on-sale hone ki baat saamne aayi thi, lekin kuch reasons se iski availability mein delay hua aur ab ye handset finally nest Wednesday se Amazon par purchase ke liye available hoga.

BlackBerry ka yeh pehla phone hai jo India mein design aur manufacture kiya jaa raha hai. BlackBerry company hamesha se hi apne phones ko un customers ko dhayan mein rakh kar design karti hai jo apni personal information ya private documents ya details ko le kar compromise nahi kar sakte hai.

BlackBerry Evolve ka price Rs 24,990 hai. ICICI Bank credit ya debit card se payment karne waalon ko is handset ke purchase par 5% ka instant cashback mil jaaega. Iske alawa Jio SIM users ke liye bhi offers diye gaye hain.

Blackberry Evolve mein 5.99 inch ki full HD+ IPS LCD display di gayi hai jiska aspect ratio 18:9 hai. BlackBerry Evolve Qualcomm Snapdragon 450 Octa Core processor ke sath launch kiya gaya hai. BlackBerry Evolve Android Oreo 8.1 par run karega. Phone me 4000mAh ki battery di gayi hai jo ki Qualcomm quick charging ko support karti hai.

BlackBerry Evolve mein 13MP+13MP ka dual rear camera dual tone LED flash, RGB+ mono mode ke sath diya gaya hai. Front camera ki baat ki jaaye to phone me 16MP ka front camera diya gaya hai jo ki tetracell technology based hai jo ki dark area mein bhi bright pictures ko click karne mein capable hai. Phone mein 4x autofocus, slow motion, HDR jese features bhi diye gaye hai. Sath hi yah phone 2K quality mein video recording kar sakta hai. Storage ki baat ki jaaye to BlackBerry Evolve mein 4GB RAM 64 GB ROM variant aapko milega sath hi phone ki storage ko aap microSD card ki help se expand kar sakte hain.

BlackBerry Evolve mein rear mount finger print sensor diya gaya hai jo ki bahut hi jyada responsive hai. Evolve mein USB Type –c charging port diya gaya hai sath hi 3.5mm headphone jack bhi aapko iss phone mein milta hai. BlackBerry Evolve me Dolby audio diya gaya hai jo ki aapke music experience ko aur bhi jyada enhance kar deta hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: