BlackBerry Evolve Aur Evolve X India Mein 24,990 INR Ke Starting Price Par Launch Huye

BlackBerry ne aaj New Delhi, India mein Evolve aur Evolve X launch kiye jo Amazon exclusive smartphones hain. Black color mein aane waale Evolve ka price 24,990 INR hai aur Evolve X ki kimat 34,990 INR hai. Evolve X is month ke end se hi India mein available hoga, jabki BlackBerry Evolve ki sale mid of September se start hogi.

BlackBerry Evolve aur Evolve X mein 5.99-inch ki full HD+ display, Corning Gorilla Glass 5 protection ke saath di gayi hai. Dono hi smartphones Android 8.1 Oreo OS par chalte hain aur Hybrid dual SIM slots ke saath aapko milenge yaani ki second SIM slot mein aap SIM ya microSD card mein se kisi ek cheez ko hi use kar sakte hain. Iska microSD card 2TB tak ke card ko support karta hai.

Iske alawa Evolve X aur Evolve mein 16 MP ka front camera, f/2.0 aperture ke saath aayega aur in handsets ki battery capacity bhi 4000mAh hai jo fast charging aur Quick Charge 3.0 support ke saath aayegi. Iske alawa Evolve X mein wireless charging support bhi milta hai. In dono handsets mein rear panel par fingerprint scanner bhi diya gaya hai.

BlackBerry Evolve mein Qualcomm ka Snapdragon 450 chipset hai jiski clock speed 1.8 GHz hai. Jabki Evolve X mein aapko Snapdragon 660 processor milta hai jiske four Kryo cores ki clock speed 1.8 GHz hai aur other four Kryo cores ki clock speed 2.2 GHz. Evolve mein 4GB RAM ke saath 64GB internal memory di gayi hai aur doosri taraf Evolve X aapko 6GB RAM + 64GB native storage ke saath milta hai.

Iske alawa BlackBerry Evolve mein 13 MP ke two rear cameras hain jo dual tone LED flash ke saath aayenge. Jabki Evolve X mein 12 MP ka primary rear shooter, dual tone LED flash, f/1.8 aperture, Samsung S5K2L8 sensor ke saath aayega aur 13 MP ka secondary rear shooter, Samsung S5K3M3 sensor aur f/2.6 aperture ke saath aayega.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: