Black Shark 2, 12GB RAM & Snapdragon 855 Ke Saath India Mein Launch Hua; Specs, Price & Availability Check Karein

Black Shark gaming smartphone ka wait, India mein kaafi samay se kiya jaa raha hai. Finally aaj Black Shark ne India mein apna latest gaming smartphone, Black Shark 2 launch kar diya. Ye smartphone bhi Flipkart exclusive hoga aur 4th June se iski sale start hogi.

Black Shark mein humein 6.38 inch ki full HD+ AMOLED display milti hai. Ye 19.5:9 display aapko yahaan HDR 10 support aur touch algorithm optimization, jo ki especially gaming ke liye hai, ke saath milti hai.

Black Shark 2 mein Octa Core Qualcomm Snapdragon 855 chipset moujood hai. Saath hi ye phone liquid cooling system jismein liquid cooled plate aur liquid cooled tube shaamil hai, ke saath aata hai, jo heavy games ke dauraan aapke phone ko excessive heating issues jaisi problems se bachaata hai.

Ismein gaming ke liye Ludicrous Mode diya gaya hai. Saath hi iska ‘X style’ design aur back par RGB logo bhi, iske looks ko kaafi attractive banaate hain. Iske alawa ismein display ke liye press sensitive controls hain, AI gaming experience jaise features bhi hain.

Black Shark 2 mein 48MP ka primary rear camera, Samsung GM1 sensor, LED flash light aur f/1.75 aperture ke saath aata hai, jabki secondary 12 MP ka telephoto lens aapko yahaan f/2.2 aperture aur 2x lossless zoom ke saath milta hai. Is gaming handset mein 20MP ka selfie camera, f/2.0 aperture ke saath moujood hai.

Is dual SIM smartphone mein aapko Android 9.0 Pie OS diya gaya hai. Battery capacity  4000mAh hai, jo ki 27W fast charging support ke saath milti hai. Saath hi ismein in-display fingerprint scanner bhi diya gaya hai.

Black Shark 2 ko two color options aur two storage variants mein release kiya gaya hai. 6GB RAM ke saath 128GB internal storage variant ko aap Shadow Black color mein 39,999 INR ke price par kharid sakte hain. Wahin 12GB RAM ke saath 256GB storage version ko Frozen Silver color mein 49,999 INR ke price par purchase kiya jaa sakta hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: