Bigg Boss 12 Contestants ki Final List, Dhamaakedar Hoga Is baar drama

Salman khan at bigg boss

Bigg Boss, ek aisa reality drama show, jiska Indian audience ko besabri se intezaar rehta hai. Har saal TRPs mein sabse upar rehne wala ye show, shuru ho chuka hai. Saath hi contestants ki poori list bhi aapke saamne aa chuki hai aur is list se ye to saaf hai, ki pichli baar Arshi Khna, Sapna Chaudhary, Hina Khan aur Shlipa Shinde ke dhamaakedaar drama se is baar kahin jyada drama hone waala hai. Aaiye aapko bataate hain ki is baar kaun hoga aur kahaan se aayein hai, ye Bigg Boss 12 ke daavedaar.

1. Anup Jalota

Bhakti songs ke liye famous singer Anup Jalota Bigg Boss ke iss season me dikhaai dene wale hai. Kuch samay pahle Anup Jalota ne Bigg Boss me Participate karne ki ichha jaahir ki thi jis ke liye unhone apna Weight bhi kam kiya hai. Saath hi wo apne love affairs ko leke rumors me aaye hain. Anup Jalota ne apni girlfriend ke saath couple entry li hahi. Aaiye jaante hain kaun hain unki partner.

2. Jasleen Matharu

Intercollage competition me 16 saal ki age me hi Best Female singer ka khitaab jeetne wali Jasleen matharu, Anup Jalota se saath is reality show par aayi hain. Unhone kuch ache album songs diye hai lekin kuch samay se ye News me music industry me popularity gain ni kar paa rahi hai . Jasleen ne ye confirm kiya hai ki Wah Devotional singer Anup Jalota ko Date kar rahi hai. Well, ye kitne ek doosre ke kareeb hain, ye to is show ke aane waale dinon mein pata chal hi jayega.

 

3. Karanvir Bohra

Kafi saare hit serials dene wale Karanvir Bohra ko unke fans alag alag naam se jaante or chahte hai . Kasuati Zindagi ki ka Prem , Shararat me Dhruv , Suabhagyabati bhavh ka viraj apne har ek role se audience ko attract karne wale Karanvir Last season Bigg boss me as a guest aa chuke or iss baar wah contestants ke roop me dikhai dene wale hai.

 

4. Dipika Kakar

Dipika kakar ne abhi kuch samay pahle hi Shoaib Ibrahim se nikaah kiya hai . Inter religious marriage ke kaaran Yah dono kafi surkhiyon me rahe hai . Pahle iss couple ki couple entry ho rahi thi lekin charges jyada lene ki wajah se ab sirf dipika hi iss show ka hissa banegi. haanki abhi bhi dipika poore show me aane wale sabhi contestants me sab se jyada charge karne wali contestants hai.

5. Srishty Rode

Choti Bahu , Punarvivah , Mohi jese serial me hit acting dene wali srishty ko Audience Radha , Mandvi , sarita or mohi ke naam se bade ache se janti hai. srishty Bigg boss house me solo contestants ke form me nazar aane wali hai . Srishty ne apne daily show ke carrier me kabhi bhi long gape ni liya hai wah ek regular actor ke roop me kabhi ek serial me to kabhi dusre serial me continue nazar aai hai .

 

6. Neha pendse

May I Come In Madam serial se popularity gain karne wali neha Apne figure ke liye kafi conscious rahti hai. Aap unke instagram handle par aae din pole dance practice ki videos or post dekh sakte hai . Haal hi me Neha Kapil sharma ke sath ek Comedy show me nazar aayi thi. Neha Bigg Boss House Me Solo contestant ke form Nazar aane wali hai.

 

7.  S.Shreesanth

Apne Short temper , Anger or bettuke jawabo se media news me bane rahne wale Shreesanth bhi iss Season me bigg boss house ka part bnate hue nazar aaege. 2011 me cricket se sign off kar chuke shreesanth kya Bigg Boss ki iss Pitch par chauke or chakke laga paege.

 

8. Romil Chaudhary or Nirmal Singh

Bigg boss ki iss jodi ka naam vichitra jodi me include hai. Haryana se belong karne wale do dosto yah ki jodi real life ke lawyer or police ki jodi hai. Definitely iss baar Bar Bigg Boss house me koi bhi galat kaam ni ho paega aakhir yaha kanoon jo hai . Dekhna interesting rahega ki yah dono apne kanooni daav-pench yaha bhi laga paaenge ya ni .

 

9. Shivashish Mishra or Saurabh Patel

Desh ke Centre zone Madhay Pradesh se aane wale yah dost really me ek Vichitra jodi hai . Jaha ek dost farmer (kisaan ) hai to wahi dursa dost ek business man hai . Saurabh patel ne khud me farmer ko low level person na dikha ke ek sturdy , smart or capable person  ke roop me stand kiya hai.

 

10. Saba Khan or Somi Khan

Pink city jaipur se belong karne wali yah khan sisters bigg boss ke iss season ka part banegi. Saba khan ek youtuber hai or somi khan ek sales manager hai . Ab yah dekhna interesting hoga ki inki sister wali bonding bigg boss ke ghar me nazar aati hai ya ni or kya ye ek dusre ka support ban paengi ya challenges or drama me ek dusre ko hi fasaegi.

 

11. Deepak Thakur or Urvashi Vani

Ek singer or uski fan , ji ha yah aisi hi jodi hai. Deepak thakur ek  bhojpuri playback singer hai or urvashi vani unki bot badi fan hai. Urvashi ki baat ki jaaye to rumors hai ki Urvashi deepak thakur se milne ke liye apne ghar se bhag gayi thi. Yah jodi bigg boss house ki one of the most interesting or sabse cute jodi ho sakti hai.

 

Inn sab ke alawa iss baar bigg boss me out house ka concept rakha gaya hai jaha 2 jodiyan rakhi jaegi jinme se 1 jodi ko public voting ke through select kiya jaega  . inn jodiyon me Roadies reality show ki participants rah chuki Kriti Verma or Surabhi Rana , or Kolkata se belong karne wali 2 best friends jo aaj kal jaani dusman ban gayi hai, Roshmi Banik or mital joshi ka naam include hai . Ab dekhna yah hai voting ke through kon si jodi outhouse se bigg boss house me jaegi. yah voting voot app ke through hogi. Kal raat Bigg boss 12 ka premier already release ho chuka hai. Har baar ki tarah iss baar bhi bigg boss ko salman khan hi host karenge . Aane wale time me yah show kitni controversies collect karta hai or kon aakhiri tak ruk pata hai yah dekhna interesting rahega.

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: