Best Smartphones With Snapdragon 845 Chipset In India

Is saal mein lagbhag sabhi leading smartphone makers ne apne flagship smartphones mein Qualcomm ka latest chipset Snapdragon 845 diya hai. Aur waakyi mein is chipset ki performance kaafi acchi hai, jiske saath aap koi bhi heavy app use karein ya apne smartphones mein koi video dekhein, game khelein ya kuch bhi karein, aapko kisi tarah ka koi lag ya dekhne ko nahin milta.

Snapdragon 845 chipset ke saath aane waale smartphones ki performance kaafi impressive rahi hai. Aur agar aap bhi apne liye koi behtar phone talaash rahe hain, jiski performance achhi ho, to yahaan dekh sakte hain. Ye hain Snapdragon 845 processor ke saath aane waale best handsets, jo is samay India mein available hain.

Xiaomi Poco F1

Sabse pehle baat karte hain, Xiaomi ke Poco F1 ki, jo aapko affordable price mein flagship design aur performance ke saath milta hai. Is smartphone mein is chipset ke alawa 6.18 inch ki full HD+ display, 6GB aur 8GB RAM options, 4000mAh, 12 + 5 MP ke dual rear cameras aur 20 MP ka front camera milta hai. Is handset ke base variant ki kimat 20,999 INR hai, jismein aapko 6GB RAM aur 64GB inbuilt memory milti hai.

ASUS Zenfone 5Z

ASUS ka Zenfone 5Z bhi isi flagship chipset ke saath aata hai. Iske alawa ismein aapko 6.45 inch ki full HD+ display, 12+8 MP ka dual rear camera setup, 8 MP ka front camera aur 3300mAh ki battery fast charging ke saath mil jaati hai. Ismein aapko 4GB / 6GB RAM aur 64GB / 128GB internal storage milti hai aur iska base version 6GB+64GB ke saath 29,999 INR mein available hai.

OnePlus 6

OnePlus ka latest flagship, jo ki May 2018 mein launch hua tha, OnePlus 6 bhi Snapdragon 845 chipset ke saath hi aata hai. Is handset mein 6.28 inch ki FHD+ display, 6GB / 8GB RAM, 16+20 MP ka dual rear camera setup aur 20 MP ka front camera diya gaya hai.

Is smartphone mein dual SIM slot, fingerprint sensor aur 3450mAh ki battery, Dash Charge technology ke saath milti hai. Iska face unlock feature bhi kaafi impressive hai aur phone ki performance bhi kaafi achhi hai. Iske base version ka price 34,999 INR hai.

LG G7+ ThinQ

LG ka G7+ ThinQ bhi SD 845 chipset ke saath aane waala achha smartphone hai, jo India mein last month launch kiya gaya tha. Ismein aapko 6.1 inch ki Quad HD+ display, Corning Gorilla Glass 5 protection ke saath di gayi hai. Ismein 6GB ki LPDDR4x RAM aur 128GB ki memory di gayi hai.

G7+ ThinQ mein 16 MP ke dual rear cameras hain, LED flash light ke saath milte hain aur front par 8 MP ka camera, f/1.9 aperture ke saath fit kiya gaya hai. Saath hi rear mounted fingerprint sensor aur dedicated Google Assistant button bhi moujood hai. Android Oreo ke saath aane waale is handset mein wireless aur fast charging support bhi hai aur battery capacity 3000mAh hai.

Is handset ki kimat 39,990 INR hai.

Vivo Nex

Vivo ka ye smartphone July mein India mein lauch kiya gaya, iski khaas baat hai, iska pop-up front camera, jo camera app mein front camera open karne ke liye tap karte hi top edge se bahaar aata hai. Ismein 6.59 inch ki full HD+ Super AMOLED display, 8GB ki RAM, 128GB ki storage, 12+5 MP ke dual rear cameras, 8 MP ka front camera aur 4000mAh ki battery di gayi hai.

Is smartphone mein aapko storage options nahin milte hain, expansion slot bhi nahin hai aur ye sirf Black color mein available hai. Ise aap sirf Amazon se 44,990 INR mein purchase kar sakte hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: