Best Android Smartphones Of 2018 Under 10,000 INR

2018 mein lagbhag sabhi leading companies jaise ki Xiaomi, Oppo, Samsung, Vivo, Techno, Infinix, etc. ne budget smartphones launch kiye hain. Is saal ke best budget smartphones ki shuruaat year ke first quarter mein hi Xiaomi ki nayi Redmi series ke saath hui thi, jiske baad aur bhi affordable smartphones Indian market mein enter huye aur aaj jab hum third quarter mein hain, to aaiye dekhte hain ki 10,000 INR ke budget mein aap kaun se smartphones ko best keh sakte hain.

Xiaomi Redmi Note 5

Xiaomi ne India mein February mein Redmi Note 5 launch kiya tha, jiski kimat 9,999 INR hai. Is smartphone mein aapko 10,000 INR se kam mein bhi 5.99 inch ki full HD+ display, Corning Gorilla Glass 3 protection, Snapdragon 625 processor, 3GB ki RAM aur 4000mAh ki battery milti hai. MIUI 9 par chalne waale Redmi Note 5 mein 12 MP ka rear aur 5 MP ka front camera moujood hai. Dono hi cameras mein LED flash light bhi di gayi hai aur rear panel par aapko fingerprint scanner bhi milta hai.

Realme 1

Oppo ne May mein apni nayi sub-brand Realme launch ki jiska first smartphone Realme 1 kaafi successful raha hai. Halaanki Oppo ke smartphones itne cheap nahin hote, lekin is brand Realme ka ye phone aapko 8,990 INR ki kimat mein amazing features ke saath milta hai. Is Amazon exclusive smartphone mein 6 inch ki full HD+ display, powerful MediaTek Helio P60 processor, 3GB RAM, 32GB storage aur dual SIM support jaise features diye gaye hain. Realme 1 mein 8 MP front camera mein aapko face unlock feature bhi milta hai, rear camera 13 MP ka hai aur 3410mAh ki battery bhi moujood hai.

Redmi Y2

Xiaomi ka Redmi Y2 bhi June mein hi India mein introduce kiya gaya hai. Is smartphone ke 3GB RAM + 32GB ROM version ki kimat kewal 9,999 INR hai. Ismein 5.99 inch ki HD+ display, Snapdragon 625 SoC, Android 8.1 Oreo with MIUI 9, Dual SIM support, 3080mAh battery included hai. Iske alawa ismein 12 + 5 MP ka dual rear camera setup hai aur front mein 16 MP ka shooter moujood hai jo AI beauty feature ke saath aata hai. Saath hi ismein face unlock aur fingerprint scanner dono diye gaye hain.

Honor 7C

Honor ka 7C bhi is price range mein ek achha options hai, jise aap consider kar sakte hain. Iska price 9,999 INR hai aur ye Amazon exclusive device hai. Ismein bhi 5.99 inch ki HD+ display moujood hai, power dene ke liye Snapdragon 450 chipset lagaaya gaya hai. 3GB RAM + 32GB ROM, 13 + 2 MP ka dual rear camera setup, 8 MP ka front facing snapper aur 3000mAh battery jaise features ismein diye gaye hain.

Infinix Hot S3

Inifinix ka ye smartphone 8,999 INR ke starting price par kewal Flipkart par available hai. Ismein 5.65-inch ki HD+ display, Snapdragon 430 chipset, 3GB ki RAM aur 32GB ki internal memory hai. Is smartphone ki khaasiyat hai iska 20 MP ka front camera jo ki dual LED flash light, f/2.0 aperture ke saath aata hai aur ismein rear camera bhi 13 MP ka hai. Iske alawa ismein aapko 4000mAh ki battery, fingerprint scanner aur Android 8.1 Oreo OS jaise powerful specs milte hain.

Facebook Comments

Recommended For You

About the Author: Pooja Choudhary

1 Comment

Leave a Reply

Your email address will not be published.

%d bloggers like this: