Best Smartphones Of 2018 Under 15,000 INR

Xiaomi smartphones ke competitive price mein best features dene waale trend ko India mein lagbhag sabhi companies follow karne lagi hai, jiska result ye hai ki 15,000 INR ke price mein aapko kaafi achhe smartphones milne lage hain. Agar aapka budget bhi yahi hai, to ismein aapko fingerprint sensor, face unlock feature, dual rear cameras aur notch display jaise sabhi trendy specs mil jaate hain.

Aaiye dekhte hain ki is saal is range mein kaun se smartphones launch huye hain, jinhein aap kharid sakte hain.

Zenfone Max Pro M1

ASUS ka ye smartphone April mein India mein launch hua tha. Lekin iska 6GB RAM version jiski kimat 14,999 INR hai, July mein pehli baar sale ke liye available hua. Zenfone Max Pro M1 mein 5.99-inch ki full HD+ display hai. Ye handset Octa core Qualcomm Snapdragon 636 chipset par chalta hai aur ismein 6GB ki RAM aur 64GB ki storage moujood hai. 5000mAh ki battery capacity ke saath aane waale is smartphone mein 16 + 5 MP ka dual rear camera setup aur 16 MP ka front camera diya gaya hai.

Realme 1 6GB RAM version

Oppo ki sub-brand Realme ka first smartphone Realme 1 ka 6GB RAM version bhi, 15,000 INR ki range mein ek behtar option hai. Iski kimat 13,990 INR hai aur ye Amazon exclusive hai. Ismein 6-inch ki FHD+ display, Helio P60 processor, 6GB RAM, 128GB storage, 13 MP rear, 8 MP front camera aur 3410mAh ki battery hai.

Honor 9N

Honor ka 9N July 2018 mein India mein launch hua hai, Honor 9N ka 4GB RAM with 64GB internal memory version 13,999 INR ke price par Flipkart par available hai. Ismein aapko 5.84-inch ki full HD+ display, Kirin 659 processor, 13 + 2MP dual rear cameras, 16 MP frontal sensor aur 3000mAh ki battery milti hai. Android 8.1 Oreo par chalne waale is smartphone mein fingerprint sensor, face unlock aur Ride mode jaise features bhi diye gaye hain.

Redmi Note 5 Pro

Saal ki shuruaat mein hi launch hua Xiaomi ka Redmi Note 5 Pro bhi is range mein best smartphones ki list mein shaamil hai. Ismein bhi 5.99 inch ki full HD+ display hai, jo Corning Gorilla Glass protection ke saath di gayi hai. Iske alawa ismein 12 + 5 MP ka dual rear camera setup hai, 20 MP ka front camera bhi flash light ke saath diya gaya hai aur 4000mAh ki battery bhi Quick Charge 2.0 support ke saath aayegi.

Iska 4GB RAM version 13,999 INR mein available hai.

Samsung Galaxy On6

July mein hi launch huye Samsung ke Galaxy On6 ko bhi aap is list mein shaamil kar sakte hain. Ismein 5.6 inch ki full view display aur Octa Core Exynos 7870 processor diya gaya hai. 4GB RAM aur 64GB ki internal memory ke saath aane waale is smartphone mein 13 MP ka rear aur 8 MP ka front camera hai. Dono cameras mein flash moujood hai. Saath hi Android 8.1 Oreo OS par chalne waale Galaxy On6 mein dual SIM support, 3000mAh ki battery aur fingerprint scanner bhi moujood hai. Iski kimat 14,490 hai aur aap ise Flipkart ya Samsung shop online se kharid sakte hain.

 

 

Facebook Comments

Recommended For You

About the Author: Pooja Choudhary

1 Comment

Leave a Reply

Your email address will not be published.

%d bloggers like this: