Top 5 Smartphones With Triple Rear Cameras In India

Last year Huawei ne triple rear camera ke saath apna pehla phone Huawei Mate 20 Pro launch kiya tha. Iske baad lagbhag sabhi popular brands ne iss trend ko follow karna shuru kar diya. Ye triple rear cameras, alag alag kaam karte hain, jinke aapke pictures aur bhi better ho sakein aur aaj aapke pas triple rear cameras wale phones ke kaafi option available hain. Agar aap triple rear cameras wale smartphone ko khareedna chahte hain aur options ko lekar confuse hain, to aap humare dwara sort ki gayi iss list ko jarur check karein. Iss list mein humne triple rear camera waale unn sabhi smartphones ko list kiya hai jo India mein is samay available hain.

1. Oppo R17 Pro

Oppo R17 Pro company ki taraf se aane wala ek flagship phone hai, jo ki kaafi behtar features ke saath aata hai. Iss phone mein aapko primary camera 12MP ka, secondary camera 20MP ka aur third 3D TOF(Time Of Flight) camera milta hai. Phone mein super VOOC charging milti hai jo ki iss phone ko 0 to 100% sirf 40 minutes mein charge kar sakti hai. Phone mein Snapdragon ka 710 chipset use kiya gaya hai. Yeh phone India mein Rs 45,990 ki price tag ke saath launch kiya gaya tha lekin online aap iss phone ko abhi Rs 39,990 mein purchase kar sakte hain.

 

2. Vivo V15 Pro

 

Vivo ne last month hi iss phone ko India mein launch kiya hai. Phone ki major highlight hai ismein diya gaya pop-up selfie camera jo ki 32MP  ke saath aata hai. Saath hi 12MP+5MP+8MP ka triple rear camera hai. Vivo V15 Pro mein 6.3 inch ki FHD+ super AMOLED display milti hai jiska screen aspect ratio 19.5:9 hai. Phone mein in-display finger print scanner aur dual engine fast charging jaise features available hai. Iss phone mein aapko snapdragon 675 processor milega. India mein yeh phone online aur offline dono hi markets mein sale ke liye available hai. Phone single storage variant mein launch kiya gaya hai jahan 6GB RAM aur 128GB internal storage wale iss phone ke liye aapko Rs 28,990 dene honge.

 

3. LG V40 ThinQ

Company ne iss phone ko January 2019 mein India mein launch kiya tha. 12MP+16MP+12MP ke triple rear camera ke saath aane wala yeh ek behtareen flagship phone hai. Iss phone mein dual front cameras bhi diya gaya hai jo ki 8MP+5MP ka hai. Iss phone mein 6.4 inch ki full vision OLED display di gayi. Saath hi yeh phone Snapdragon 845 chipset ke saath design kiya gaya hai. Yeh phone quick charge 3.0 aur wireless charging support ke saath aata hai. Amazon India ki website se aap iss phone ke 6GB/128GB variant ko Rs 49,990 mein purchase kar sakte hain.

 

4. Samsung Galaxy M30

Yeh phone 6.4 inch ki super AMOLED infinity-U display ke saath aata hai. Phone mein Exynos 7904 processor use kiya gaya hai. Samsung Galaxy M30 mein 13MP+5MP+5MP ka triple rear camera milta hain jo ki live focus support ke saath aata hai. Saath hi ismein 16MP ka front camera hai. Phone ki highlight mein triple rear camera ke alawa iski battery bhi jo ki 5000mAh ki hai aur 3X fast charging support ke saath aati hai. Yeh phone Amazon exclusive hai jahan aap ise sale open hone par book kar sakte hai.  Yeh phone 2 storage variants mein aata hain. Iss phone ke 4GB/64GB variant ko Rs 14,990 mein aur 6GB/128GB variant ko Rs 17,990 mein Amazon.in se khareed sakte hain.

 

5. Samsung Galaxy A50

 

Samsung Galaxy M30 ke baad aane wala yeh ek affordable phone hai jo ki triple rear camera ke saath aata hai. Phone mein 25MP+5MP+8MP ka triple rear camera set up diya gaya hai aur 25MP ka hi aapko ismien front facing camera bhi milta hai. Yeh phone Exynos 9610 processor ke saath aata hai. Iss phone mein 4000mAh ki battery di gayi hai jo ki fast charging ko support karti hai. Iss phone ka 4GB/64GB model aapko Rs 19,990 mein aur 6GB/64GB model Rs 22,990 mein milta hai.

 

6. Samsung Galaxy S10 Plus

 

Agar aap  Rs 50k se upar kisi phone mein invest karne mein interested hain to aap iss phone ko dekh sakte hain. Yeh phone issi month India mein launch hua hai. Samsung ke iss flagship phone mein aapko 16MP+12MP+12MP ke triple rear cameras milte hain  saath hi 10MP+8MP ka dual front camera setup bhi milta hai. Samsung Galaxy S10 Plus mein 6.4 inch ki super AMOLED multi touch screen display di gayi hai. Phone mein diya gaya ultrasonic in-display finger print scanner iss phone ke highlighted features mein se ek hai. Iske alawa ismein Qualcomm Snapdragon 855 chipset ka use kiya gaya hai. India mein iss phone ka base variant Rs 73,900 mein available hai jismien aapko 8GB RAM aur 128GB internal storage milti hai.

 

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: