Best Looking / Most Stylish Smartphones

Last year ek se ek behtareen smartphones launch huye, lagbhag har price range mein kaun se best smartphones hain, ye to hum aapko bata hi chuke hain. Lekin best design aur best looks ke saath kaun se smartphones consumers ko attract kar rahe hain, kya aapne kabhi unke baare mein jaana hai. Aaj hum un smartphones ke baare mein baat karenge, jo powerful specs ke saath saath best looks ke liye jaane gaye hain, yaani ki best looking smartphones.

Samsung Galaxy S9

Samsung ka MWC 2018 ke dauraan launch hua Galaxy S9 ek amazing aur compact smartphone hai. Is smartphone mein kayi color options aaye hain, lekin personally humein iska Burgundy Red color editon sabse behtareen laga. Is smartphone mein aapko premium glass aur metal ka combination milta hai aur ye handle karne mein kaafi easy hai. Glass back hone ke baad bhi, ye smartphone jaldi se fingerprints o catch nahin karta. Rear panel kaafi slippery hai, lekin utna hi attractive bhi. Is par aapko rear camera aur fingerprint sensor center mein diya hain. Jabki front par 5.8 inch ki QHD+ 18.5:9 display hai. Is smartphone ka price 56,400 INR se start hota hai.

Samsung Galaxy Note 9

Samsung ka latest flagship model Galaxy Note 9 bhi amazing design ke saath aaya hai. Halaanki iska design aapko Note 8 se jyada alag nahin lagega, lekin haath mein aate hi, ye smartphone ek premium feel deta hai. Ismein aapko S-Pen bhi diya gaya hai, jo apne predecessor se kaafi improved aur enhanced hai, saath hi ismein inbuilt Bluetooth bhi hai. Halaanki ye kaafi bada phone hai, lekin back slippery nahin hai. Dual rear cameras, fingerprint sensor, different colors ke S-Pen aur multiple color options ke saath is baat Note 9 kaafi behtar hai. Is handset ki camera performance aur display quality bhi kaafi behtar hai.

Samsung Galaxy Note 9 ko aap India mein 67,148 INR ki starting price ke saath kharid sakte hain.

Also Read: Snapdragon 845 Vs Snapdragon 855 Chipset Comparison

Huawei Mate 20 Pro

Triple rear cameras ke saath launch huye Huawei Mate 20 Pro ko bhi best looking smartphones ki list mein shaamil kar sakte hain. Ye smartphone bhi saamne padte hi aapko apni premium finish bata deta hai. Rear panel par ek square shape ke andar triple cameras aur LED flash light fitted hain, jinke upar Leica ki branding hai. Front par wide notch ke saath 6.39 inch ki QHD+ display hai, jo OLED panel ke saath di gayi hai. Ismein aapko multiple display customization option bhi milte hain aur wide notch ke baad bhi aapko amazing screen to body ratio mil jaata hai. Is smartphone ka look bhi kaafi stunning hai, jise India mein aap 70,000 INR ke price par hi kharid payenge.

Oppo Find X

Oppo Find X ka price bhi 59,990 INR hai, lekin is best looking smartphones ki list mein ye smartphone aapko sabse jyada storage ke saath milta hai. Oppo Find X mein 8GB ki RAM aur 256GB ki internal memory hai. Is smartphone mein aane waale slider mechanism ki wajah se aapko front par 93.8 percent screen to body ratio mil jaata hai. 19.5:9 ratio ke saath display aur notchless design ke saath aap khud is smartphone ko dekhte hi kahenge ‘beautiful’. Is smartphone ka front aur rear cameras, dono hi slide karne par bahaar aate hain. Rear panel par bhi aapko upar ki taraf Oppo aur neeche ki taraf Find X ki branding hai. Aap keh sakte hain ki, is list mein ye phone most appealing hai.

Also Read: January 2019 Mein Launch Hone Jaa Rahe Hain Ye 5 Smartphones

iPhone XS / XS Max

Well, in smartphones ke baare mein humein aapse kuch khaas kehne zaroorat nahin hai. Well, in smartphones ka design 2017 mein launch huye iPhone X ke jaisa hi hai, lekin phir bhi aapko is phone se dekhte hi pyaar ho jayega. In dono smartphones mein se iPhone XS compact aur handy hai. Wahin iPhone XS Max, Apple ka abhi tak ka heavier phone hai. Apple ke us puraane round home button ko hataane ke baad, iPhone XS kaasi sexier hai. Saath hi in dono smartphones par jo glass hai, wo smartphones mein sabse jyada durable glass hai. Saath hi in smartphones mein aane waale teenon colors aur unke beech mein “surgical-grade” stainless steel bands, kaafi achhe lagte hain.

In smartphones ki kimat India mein 98,429 INR se shuru hoti hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: