Best And Affordable Gaming Keyboard Mouse Combo, Available In The Indian Market

Aaj desktop gaming teenagers ke beech kaafi popular ho chuki hai. Behtar desktop gaming ke liye system configuration ka acha hona bhi jaruri hai, lekin ek bhadiya input ke liye aapke paas achi input device ka hona bhi jaruri hai. Agar aap bhi ek game player hain aur gaming ke liye bhadiya aur affordable gaming keyboard mouse purchase karna chahte hain, to iss article ko padte rahiye. Ismein humne aapke liye Rs 1200 se bhi kam keemat mein aane wale gaming keyboard mouse ki list ko prepare kiya hai.

 

1. Zebronics Transformer Gaming Keyboard Mouse Combo

Iss list mein yeh keyboard mouse sabse top category par aata hai. Iski khaas baat yeh hai ki aapko keyboard par milne wali keys ke alawa poori body metal mein milti hai. Saath hi iska design bhi gaming ke liye perfect look deta hai. Keyboard aur mouse par aapko RGB lighting milti hai jo gaming ke samay kaafi attractive lagti hai. Mouse par bhi aapko multi color LED lights milti hai. Mouse ke bottom par bhi aapko plastic base na de kar metal base diya gaya hai. Keyboard aur mouse ko system se connect karne ke liye aapko ismein high quality connector ke saath braided cable milti hai. Iss keyboard mouse combo ko aap Amazon.in se Rs 1,100 ki price par purchase kar sakte hain.

 

2. Dragon War Storm Gaming Keyboard Mouse Combo 

Yeh keyboard waterproof capability ke saath aata hai. Iss keyboard mein aapko ASWD aur arrow keys red highlighted color mein milti hain. Mouse par milne wali LED Light ko aap software ke through customize kar sakte hain. Agar aapko red keys pasand nahi aati hain to aapko box mein extra black bhi milti hain. Mouse mein aapko 2 programmable macro keys di gayi hain. Plastic body hone ke baad bhi yeh keyboard kaafi sturdy body aur look ke saath aata hai. Flipkart se aap iss combo ko Rs 999 mein khareed sakte hain.

 

3. Live Tech Octane RGB Combo 

Metallic color base aur black keys ke saath aane yeh keyboard LED back light ke saath aata hai. Keyboard par mechanical keys aapko milti hai, jo gaming ke samay bhadiya feel deti hai. Iske alawa keys ka input bhi kaafi smooth milta hai. Iske mouse par aapko koi extra buttons nahi milte hai lekin use karne mein yeh mouse kaafi acha response karta hai. Keyboard par aapko 10 dedicated multimedia keys already milti hain. Iss keyboard mouse combo ki regular price Rs 1,999 hai lekin offer ke duaraan yeh combo TataCLiQ ki website par Rs 999 mein mil raha hai.

 

4. Intex Gaming 400 Keyboard Mouse Combo

 

Agar aap look basis par gaming keyboard mouse dekh rahe hain to yeh ek perfect set hai jo aapko jarur pasand aa sakta hai. Iss combo ka design gamer ko attract karne ke liye hi design kiya gaya hai. Ismein keyboard aur mouse dono par hi LED light milti hai jo ki kaafi bright aur sharp hai. Combo mein milne wala mouse 7D gaming ko dhayan mein rakh kar design kiya gaya hai, jismein aapko 7 functional buttons milte hain. Iss combo ko aap Amzaon.in se Rs 975 mein khareed sakte hain.

 

 5. HP Gaming GK1000 Keyboard Mouse Combo

 

 

Iss combo ko aap desktop ke alawa audio player, play station ya kisi bhi gaming console se connect kar ke operate kar sakte hain. Mouse ki Dpi settings ko aap 1000 se 1600 ke beech mein adjust kar sakte hain. High end optical engine aapko mouse par 5 Million aur keyboard keys ko 10 Million se bhi jyada press ke liye allow karta hai. Iss combo ki online market mein price Rs 890 hai.   

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: