Best Alternative Smartphones Of Xiaomi Redmi Note 7

Redmi ne India mein apne most awaited smartphone Redmi Note 7 Pro aur Note 7 ko launch kar diya hai. Inmein lower price par Redmi Note 7 available hai, aur kewal 10K ki price mein ye aapko Snapdragon 660 chipset offer kar raha hai, saath hi kaafi bhadiya features ke saath launch kiya gaya hai lekin agar aap China variant se ise compare karte hain to aapko thode disappoint jarur hote hain, kyunki company ne yahaan par 48 MP rear camera hata diya hai, jo ki is handset ki speciality thi.

Well, Indian variant mein iske alawa baaki specs same hi diye gaye hain, jaise ki 6.3 inch ki FHD+ display with coring gorilla glass 5 protection, Snapdragon 660 chip set, Adreno 512 GPU. Phone mein 12MP ka primary camera with Sony IMX486 sensor aur secondary camera 2MP ka milta hai. Wahin front facing camera 13MP ka diya gaya hai. Iske alawa yeh phone 4000mAh ki battery ke saath aata hai jo ki quick charge 4 ko support karti hai.

 

Inn sabhi specs ke saath Redmi Note 7 ka 3GB/32Gb variant aapko Rs 9,999 mein aur 4GB/64GB variant Rs 11,999 mein milta hai. Lekin agar aap Redmi fan nahi hain  ya waterdrop notch aapko pasand nahin hai, ya phir 48 MP camera ke ismein naa aane se dissapoint hain, to aap is handset ke best alternatives mein se koi bhi smartphone choose kar sakte hain. 10K to 12K ki price range mein Redmi Note 7 ke best alternative options neeche listed hain, jinhein aap consider kar sakte hain.

Samsung Galaxy M20

Recently launch hua Samsung  ka yeh affordable phone Redmi Note 7 ko kaafi specs ke saath beat kar sakta hai. Iss phone mein aapko 5000mAh ki battery milti hai jo ki 15W charging support ke saath aati hai. Optical terms mein bhi yeh phone Redmi Note 7 ka best competitor saabit hota hai jahan iss phone mein aapko milta hai 13+5 MP ka rear dual camera aur 8MP ka selfie camera. Iss phone ke 3GB/32GB model ke liye aapko Rs 10,990 dene honge.

 

Realme U1

Realme U1 bhi iss price range mein ek acha option hai. Iss phone mein aapko di gayi hai 6.3 inch ki FHD+ display jo ki waterdrop notch ke saath aati hai. Phone mein 13+2 MP ka dual rear camera aur 25MP ka AI selfie camera diya gaya hai. Battery ke terms mein aap iss phone se thoda disappoint ho sakte hain kyun ki iss phone mein 3500mAh ki battery di gayi hai. Iss phone ke 3GB/32GB variant ko aap Rs 10,990 mein khareed sakte hain.

 

Realme 2 Pro

Agar aap Rs 12K spend karne mein interested hain to yeh phone iss budget mein aapke liye ek behtar option ban sakta hai. Realme 2 Pro mein aapko Snapdragon 660 processor diya gaya hai. Yeh phone 6.3 inch ki full view display ke saath aata hai.  Phone mein 16+2 MP ka rear dual camera aur 16 MP ka front camera milta hai.

 

Asus Zenfone Max M2

Iss phone ka 4GB/64GB model aapko easily Rs 10,500 mein mil jata hai, jahan iss phone mein 6.2 inch ki HD+ display milti hai. Yeh phone 4000mAh ki battery ke saath aata hai. Saath hi iss phone mein Snapdragon 632 processor diya gaya hai. Zenfone Max M2 mein 13+2 MP ka rear camera aur 8MP ka front facing camera milta hai.

Honor 9N

Honor ka yeh phone last year launch hua tha lekin apni price range mein yeh phone aaj bhi unbeatable hai. Honor 9N  mein 5.9 inch ki  full view display milti hai jo ki wide notch ke saath aati hai. Phone mein Kirin 659 octa-core processor use kiya gaya hai. Iske alawa iss phone mein 13+2 MP ka rear camera aur 16MP front camera milta hai. Saath hi ismein 3000mAh ki battery milti hai.

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: