Best Alternatives of Realme 2; Same Price Range Mein Aap Chun Sakte Hain Inmein Se Koi Bhi Smartphone

Oppo ke sub-brand Realme ka second smartphone – Realme 2 haal hi mein launch kiya gaya hai aur iski sale agle week se start hone waali hai. Halaanki company ne smartphone ke design mein necessary changes kiye hain, jisse smartphone elegant aur trendy lag raha hai, lekin wahin sabse zaroori part yaani ki processor ke maamle mein company ne compromise kiya hai, jo ki sabhi ko saaf nazar aa raha hai.

Realme 2 ke camera, battery aur design ko pasand zaroor kiya jaa raha hai, lekin display aur processor ki quality thodi better honi chahiye thi. Halaanki is price range mein aur bhi smartphone hain, jo in kamiyon ko poora kar sakte hain aur Realme 2 ke best alternatives hain.

Realme 1

Sabse pehle Realme 2 ka alternative, uska predecessor Realme 1 hi hai, jo aapko full HD+ display aur Octa Core MediaTek Helio P60 jaisa powerful processor deta hai. Iske alawa ismein dual nahin, balki single camera hai aur ye bhi aapko achhi pictures deta hai. Ismein aapko 3410mAh ki battery, 3GB / 4GB / 6GB RAM options aur 32GB / 64GB / 128GB storage version milte hain. Saath hi ismein bhi diamond cut pattern design diya gaya hai. Kewal ek kami jo users ko ismein nazar aati hai, wo hai fingerprint scanner ka na hona. Lekin iska face unlock features achha kaam karta hai.

Iska price bhi 8,990 INR se 13,990 INR tak jaata hai.

Honor 9N

 

Honor ka 9N bhi aap is price range mein kharid sakte hain. Iske 3GB+32GB version ki kimat 10,999 INR hai aur ye Flipkart exclusive device hai. Honor 9N mein bhi aapko mirror effect ke saath colored glass rear panel milta hai, jo premium feel deta hai. Ismein 5.65 inch ki full HD+ notch display, Kirin 659 processor, 13 + 2 MP dual rear camera setup aur 16 MP front camera milta hai. Iske alawa ismein 3000mAh ki battery, hybrid dual SIM slot aur fingerprint scanner bhi moujood hai. Saath hi smart face unlock feature bhi diya gaya hai. Iska 4GB+64GB version 13,999 INR mein aur 4GB+128GB variant 17,999 INR mein available hai.

Redmi Note 5

Xiaomi ka Redmi Note 5 bhi is price range mein ek achha smartphone hai. Ye bhi Flipkart exclusive hai aur iske 3GB+32GB aur 4GB+64GB versions ka price 9,999 INR aur 11,999 INR hai. Ismein Corning Gorilla Glass 3 protection ke saath 5.99 inch ki full HD+ display di gayi hai. Saath hi power dene ke liye 2.0 GHz Octa Core Qualcomm Snapdragon 625 CPU moujood hai. Ismein 12 MP ka rear aur 5 MP ka front camera diya gaya hai aur dono cameras mein flash bhi moujood hai. Redmi Note 5 mein 4000mAh ka camera aur hybrid dual SIM support diya gaya hai.

Infinix Note 5

Infinix ka India mein launch hua first Android One smartphone Note 5 bhi, Realme 2 ka achha alternative hai. Ye bhi Flipkart exclusive hai aur iska 3GB RAM + 32GB storage version 9,999 INR aur 4GB RAM + 64GB storage option ka price 11,999 INR hai. Iski khaasiyat hai ki ismein 4500mAh ki battery aapko fast charging support ke saath milti hai. Iske alawa ismein 5.99 inch ki full HD+ display, Octa Core MediaTek Helio P23 processor, 12 MP rear aur 16 MP ka front camera bhi moujood hai.

Ye bhi Flipkart exclusive hai aur iski sale 31st August se start ho rahi hai.

Zenfone Max Pro M1

ASUS ka Zenfone Max Pro M1 bhi ek achha smartphone hai jismein 3GB+32GB, 4GB+64GB aur 6GB+128GB options launch kiya gaye hain jinki kimat 10,999 INR se start hoti hai. Zenfone Max Pro M1 mein 5.99 inch ki full HD+ display, Snapdragon 636 chipset, 16 + 5 MP dual rear cameras aur 16 MP front camera moujood hain. Iski battery capacity bhi 5000mAh ki hai aur ismein dual nano SIM + dedicated microSD card slot bhi hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: