Best Alternative Smartphones Of Realme 2 Pro

Realme 2 Pro, jo kal hi India mein launch kiya gaya hai, mein company ne kam se kam price mein jyada se jyada achhe features dene ki koshish ki hai aur zaahir hai ki logon ko is smartphone se ummid bhi aisi hi thi. Lekin phir bhi hum aapse yahi kahenge ki kharidne se pehle zara soch lijiye.

Hum aapse aisa isliye keh rahe hain, kyunki is samay India mein is price range mein kayi smartphones available hain, to purchase karne se pehle neeche diye gaye options aur Realme 2 Pro ke best alternative smartphones par nazar daalein, tabhi kuch choose karein.

Redmi Note 5 Pro

February 2018 mein launch hua Xiaomi ka Redmi Note 5 Pro bhi ek successful handset hai aur Realme 2 Pro ka ek achha alternative hai. Halaanki ise Android Nougat ke saath launc kiya gaya tha, lekin ab ismein Android 8.1 Oreo update aa chuka hai. Ismein Corning Gorilla Glass 3 protection ke saath 5.99 inch ki full HD+ display, Snapdragon 636 chipset, 4GB ki RAM aur 64GB ki internal memory di gayi hai.

Redmi Note 5 Pro mein 12 + 5 MP ke dual rear cameras hain aur front par 20 MP ka selfie shooter fit kiya gaya hai. Rear mounted fingerprint scanner ke saath aane waale is handset mein 4000mAh ki battery di gayi hai.

Redmi Note 5 Pro bhi aapko 13,999 INR mein mil sakta hai. Saath hi 6GB RAM ke saath aane waale iske higher variant ki kimat 16,999 INR hai.

Zenfone Max Pro M1

ASUS ka ye lower mid-range category mein aane waala phone bhi, Realme 2 Pro ka ek behtar alternative hai. Iske 6GB RAM + 64GB ROM version ka price 14,999 INR hai, jismein aapko 16+5 MP dual rear cameras aur 16 MP front camera mil jaata hai. Saath hi battery capacity bhi 5000mAh hai, upar se fast charging support bhi diya gaya hai.

Zenfone Max Pro M1 mein 5.99-inch ki FHD+ display, Snapdragon 636 chipset, dual SIM support aur Android 8.1 Oreo OS jaise features hain.

Iske alawa iske 3GB+32GB aur 4GB+64GB versions bhi market mein available hain, jinki kimat 10,999 INR aur 12,999 INR hai.

Realme 1

Realme 1, yaani ki isi brand ka first smartphone bhi Realme 2 Pro ka strong competitor hai. Ismein bhi aapko 6 inch ki FHD+ display, Octa Core MediaTek Helio P60 chipset, 13 MP ka rear camera aur 8 MP ka front camera diya gaya hai. Is smartphone mein aapko 3410mAh ki battery milti hai. jo ki Realme 2 Pro ke mukaable slightly kam hai.

Yahaan acchi baat ye hai ki Realme 2 Pro ke base version ki kimat mein aap Realme 1 ka high-end version purchase kar sakte hain, jismein 6GB ki RAM aur 128GB ki internal memory hai. Iski kimat 13,990 INR hai.

Redmi 6 Pro    

September 2018 ke starting mein launch hua Redmi 6 Pro ko bhi, aap Realme 2 Pro ki jagah kharid sakte hain. Is handset ke 4GB+64GB version ka price 12,999 INR hai. Is dual SIM based smartphone mein 5.84 inch ki full HD+ display di gayi hai. Power dene ke liye ismein Octa Core Qualcomm Snapdragon 625 chipset hai aur Adreno 506 GPU diya gaya hai.

Redmi 6 Pro, notch display ke saath launch kiya gaya hai. Ismein 12+ 5 MP ke dual rear cameras aur 5 MP ka selfie camera milta hai. Iske rear panel par fingerprint sensor hai aur battery capacity 4000mAh hai.

Iska base version ko ki 3GB+32GB storage ke saath aata hai, uski kimat 10,999 INR hai.

Honor 9N

July mein launch huye, Honor 9N ko bhi, Realme 2 Pro ki jagah par consider kiya jaa sakta hai. Ismein bhi full HD+ display hai, aur ye Kirin 659 processor par chalta hai. Ismein aapko 13+2 MP ka dual rear camera setup aur 16 MP ka selfie shooter diya gaya hai. Is handset ki battery capacity 3000mAh hai.

Iska 4GB RAM aur 64GB internal memory ke saath aane waala variant, 13,999 INR mein Flipkart par available hai.

Inmein se kisi bhi smartphone ko aap 14K to 15K ke price mein kharid sakte hain, jo ki Realme 2 Pro ka bhi price hai. In sabhi handset mein aapko chote chote differences nazar aayenge aur aapki jo priority hai, aap uske adhaar par apne liye best device chun sakte hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: