Best Alternative Smartphones of POCOPHONE Poco F1

Xiaomi ki nayi brand POCOPHONE ne aaj India mein Poco F1 launch kiya hai jo ki world ka Snapdragon 845 processor ke saath aane waala sabse sasta phone hai. Halaanki smartphone ke specs behad achhe hain, lekin Xiaomi ke phones ki flash sale mein phones ke liye maaramari karne se behtar log doosre brands ki taraf sochte hain aur kayi baar alag alag priorities hone ki wajah se bhi logon ko different smartphones pasand aate hain.

To aaiye dekhte hain ki Xiaomi ke Poco F1, jiska starting price 20,999 INR hai, ke best alternatives kya hain.

Poco F1

Oppo F9 Pro

Oppo ne bhi abhi abhi India mein F9 aur F9 Pro launch kiye hain, jinke price 19,990 INR aur 23,900 INR hai. In smartphones mein bhi aapko FHD+ 19.5:9 displays, MediaTek Helio P60 processor aur 3500mAh ki battery milti hai. Oppo F9 mein 4GB ki RAM hai, jabki is same price par Poco F1 aapke 6GB RAM de raha hai, wahin F9 Pro mein 6GB RAM aur 64GB storage milta hai, jabki is price mein Poco F1 ka 6GB RAM + 128GB ROM option aap le sakte hain.

Lekin Oppo F9 Pro mein VOOC flash charging aur 25MP front camera kaafi achhe features hain, jinki wajah ise Poco F1 ka achha competitor aur alternative kaha jaa sakta hai.

Honor Play

Isi month ke starting mein launch hua Honor Play bhi ek range mein ek achha smartphone hai jiska 4GB RAM version 19,999 INR aur 6GB RAM version 23,999 INR mein available hai. Saath hi is handset mein GPU Turbo bhi diya gaya hai, jo aapke gaming experience ko enhance karta hai. Iske alawa ismein Huawei ka HiSilicon Kirin 970 processor diya gaya hai, jiski performance kaafi achhi hai. Baaki specs mein 6.3-inch full HD+ display, 64GB internal memory, 3750mAh battery, 16 MP front camera shaamil hain.

Jin customers ki priority gaming hai, unke liye ye Honor Play achha option hai.

Mi A2

Xiaomi ka India mein launch hone wala second Android One smartphone Mi A2 bhi isi price range mein stand karta hai. Iske design mein koi khaas change nahin hai, halaanki slightly premium feel ke saath achha design hai, lekin slippery bhi kaafi hai. Ismein 12 + 20 MP dual rear cameras hain, 20 MP front camera hai, 3000mAh ki battery hai.

Well, ismein jo achhi cheez hai, wo ye ki ismein aapko Qualcomm Quick Charge 4.0 fast charging suppory milta hai, dual 4G VoLTE connectivity bhi hai, camera performance kaafi achha hai. Lekin microSD card slot aur audio jack na hona is handset ki sabse badi kami bhi hai.

Iska price 16,999 INR hai.

Samsung Galaxy A6+

Samsung Galaxy A6+ ko India 25,990 INR ke price par lauch kiya gaya tha, last month 2,000 INR ke price cut aur isi week aaye 2,000 INR ke price cut ke baad aaj iski kimat 21,990 INR hai. Ismein aapko 6-inch ki FHD+ Super AMOLED Infinity display, Snapdragon 450 chipset, 4GB RAM, 64GB ROM, 16 + 5 MP dual rear camera setup aur 24 MP ka front camera milta hai. Iske alawa ismein 3500mAh ki battery hai.

Well, is price range mein Poco F1 aapko kaafi kuch provide karta hai, flagship chipset, 4000mAh battery with fast charging support, fast software, notch display, etc. Lekin kuch log jo brand conscious hain aur isi price range mein Samsung ka device aur Infinity display chahte hain, unke liye bana hai Galaxy A6+.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: