Ye Hain Android One Smartphone Nokia 5.1 Plus Ke Best Alternative Smartphones

HMD Global ne aaj India mein ek aur Android One smartphone launch kiya hai. Is budget handset ka naam Nokia 5.1 Plus hai aur ye Flipkart exclusive device hai. Iski kimat 10,999 INR hai aur ye 1st October se sale ke liye available hai. Agar aap bhi isi price range mein smartphone kharidna chahte hain, to Nokia 5.1 Plus ek achha smartphone hai, lekin aur bhi kayi smartphones hain jo same price range mein India mein available hai aur Nokia 5.1 Plus ke best alternatives hain.

Realme 1

Realme brand ka first smartphone, Realme 1 ka 4GB + 64GB storage variant 10,990 INR ki kimat par available hai aur yakin maaniye is price ke saath ye Nokia 5.1 Plus ka one of the best alternative hai. Ismein aapko 6 inch ki full HD+ display, Octa Core MediaTek Helio P60 chipset, 13 MP ka rear aur 8 MP ka front camera hai. Saath hi ismein dual SIM slots aur 3410mAh ki battery di gayi hai.

Iska 6GB RAM aur 128GB ROM ke saath aane waala high-end variant bhi kewal 13,990 INR ke price par available hai.

Infinix Note 5

Last month Infinix ne Note 5 launch kiya tha aur ye bhi Nokia 5.1 Plus ki tarah Android One smartphone hai. Infinix Note 5 ke 3GB+32GB version ka price 9,999 INR aur 4GB+64GB version ki cost 11,999 INR hai.  Nokia 5.1 Plus ke saath same price range mein aap is handset ko bhi consider kar sakte hain.

Note 5 mein 5.99 inch ki full HD+ display hai, Octa Core MediaTek Helio P23 processor moujood hai, 12 MP ka rear aur 16 MP ka front camera diya gaya hai. Saath hi rear panel par fingerprint sensor hai aur 4500mAh ki battery, fast charging support ke saath di gayi hai.

Redmi 6 Pro

Xiaomi ne bhi isi month Redmi 6 series India mein announce ki hai, jismein Redmi 6 Pro isi budget mein aane waala ek achha smartphone hai. Redmi 6 Pro ka 3GB+32GB version 10,999 INR mein available hai aur 4GB+64GB version ki kimat 12,999 INR hai. Redmi 6 Pro mein 5.84 inch ki full HD+ display hai, Octa Core Qualcomm Snapdragon 625 processor hai aur 4000mAh ki non removable battery bhi moujood hai.

Redmi 6 Pro mein 12+ 5 MP ke dual rear cameras hain aur 5 MP ka frontal sensor bhi diya gaya hai. Iske alawa ye aapko Android 8.1 Oreo OS ke saath milega aur ismein dual SIM support bhi hoga.

ASUS Zenfone Max Pro M1

Zenfone Max Pro M1, April 2018 mein India mein enter hua tha aur iska base variant 3GB RAM + 32GB internal memory ki kimat 10,999 INR hai. Is price mein is smartphone ke specs bhi ise Nokia 5.1 Plus ka strong competitor banaate hain. Ismein 5.99 inch ki FHD+ display, Snapdragon 636 chipset, 16+ 5 MP dual rear cameras aur 16 MP front camera diye gaye hain.

Iske alawa ismein 5000mAh battery, fingerprint scanner, face unlock feature aur dual 4G VoLTE jaise features bhi included hain.

Honor 9N

Iske alawa July 2018 mein launch hua Honor 9N bhi aapko kewal 11,999 INR mein mil sakta hai. Is handset mein aapko Huawei ka apna processor kirin 659 milta, jiski overall performance achhi hai. Saath hi 5.84 inch ki full HD+ display, 13+2 MP dual rear cameras, 16 MP front camera aur 3000mAh battery hai.

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: