Battlegrounds Mobile India game ka early version Google Play par available hua

Battlegrounds Mobile India, jise PUBG Mobile ka naya avtaar kaha jaa raha hai Android users ke liye available hai. Well company ne abhi ise launch nahin kiya hai, jo aaj se available hai wo iska early version hai aur beta version ke liye sign up karne waale users bhi ise filhaal download karke istemaal kar sakenge.

Kayi beta version users ne Twitter par iske screenshots bhi share kiye hain. Halaanki agar aap beta user nahin hain aur aap ise download nahin kar paa rahe hain, to sirf kuch waqt intezaar karna hoga. Company ke according Battleground Mobile India game jaldi hi final version ke saath sabhi ke liye available hoga, filhaal jo hai wo ek testing programme hai.

Battlegrounds Mobile India

Is game ka size 720MB hai. PUBG ke fns ke liye achhi baat ye bhi hai ki Battlegrounds Mobile India game mein kaafi saare visual cues PUBG Mobile jaise hi hain. ismein bhi aapko team banaakar multiple players ke saath battle royale game jaise khelne ka mauka milega aur leaks se ye bhi pata chala hai ki ismein multiple modes moujood hain. Is game ko download karne ke liye phone mein Android 5.1.1 aur 2GB RAM ya usse upar hona bhi zaroori hai.

Jaldi hi aap final version ko download kar khel sakenge aur usmein bhi weapons ya game related other things purchase kar sakenge. Battlegrounds Mobile India app ke testing programme mein ab testers maximum limit tak join kar chuke hain aur ab aur join nahin kar sakte hain. Lekin acchi baat ye hai ki kuch reports ke according ye game India mein shayad kal yaani ki 18th June ko launch kiya jaa sakta hai. Wahin kuch ka kehna hai ki company ise shayad thode waqt tak test karne ke baad launch kare.

Facebook Comments

Recommended For You

About the Author: Pooja

Leave a Reply

Your email address will not be published.

hi हिन्दी
X
%d bloggers like this: