Badi Battery Aur Improved Display Ke Saath Next Week Launch Hoga Xiaomi Redmi 8A

Xiaomi ne kuch samay pehle hi India mein Redmi 7A smartphone ko launch kiya tha. Ab jaldi hi company iss phone ke successor smartphone Redmi 8A ko India mein launch karne ki taiyari kar rahi hai. Yeh phone 25th September ko India mein launch kiya jaayega. Teaser image mein launch date ke saath #DumdaarRedmi8A likha hua hai, jis se expect kiya jaa raha hai ki phone mein behtar specs dekhne ko mil sakte hain.

Phone ki second teaser image se iske design aur look ke baare mein pata chal raha hai. Iss teaser image mein clearly dekha jaa sakta hai ki phone mein waterdrop notch di jaayegi. Iske alawa company ne mention kiya hai ki yeh phone Aura wave grip design ke saath aayega. Isi ke saath yeh bhi bataya gaya hai ki phone mein badi battery di jaayegi, jismein fast charging ka support milega. Phone mein improved screen milegi, jo aapko immersive viewing experience provide karegi, saath hi aap phone par multi tasking bhi kar sakenge.

Inn sabhi details ke alawa last week TENNA listing par bhi iss phone ko dekha gaya tha, jismein iss phone se jude kuch specs reveal kiye gaye the. TENNA listing mein bataya gaya tha ki iss phone mein humein 18W ki fast charging ke saath 5000mAh ki badi battery dekhne ko mil sakti hai. Itna hi nahi, yeh phone 6.2 inch ki HD+ display ke saath launch kiya jaa sakta hai, jahaan phone mein 2GHz Octa-Core Processor use kiya jaa sakta hai. Saath hi phone mein 12MP ka single rear camera aur 8MP ka front facing camera company offer kar sakti hai.

Well, inn sabhi rumored specs ke alawa, phone ki price aur confirmed specs next week launch ke baad humare saamne aayenge .

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: