Avenger : Endgame , A Must Watch Film From Marvel Studios

Marvel Studios ki most awaited movie Avengers : End Game aaj finally India mein release ho gayi hai. Agar aapne iss movie ka first part Avengers : The Infinity War nahi dekha tha to pehle aapko use dekh lena chaiye. Yeh movie poori tarah se pehle part se connected hai. Movie mein aapko lagbhag sabhi Marvel super heroes dekhne ko milte hain fir chahe wah Ant Man ho ya Happy Hogan ho. Movie mein action, thrill aur romance ke alawa emotions bhi dikhaye gaye hai.

Movie mein sabhi super heroes last part mein huyi haar ki wajah se dwara fight karne ke liye courage gain nahi kar paate hain. Issi courage aur team ko dwara se gain karne se movie ki starting hoti hai. Movie ki shuruaat team ko reconstruct karne se hoti hai jo last part mein kuch super heroes ke chale jaane se toot gayi thi. Caption America, Black Widow iss team ko jodne ki shuruaat karte hain. Starting mein unhe  kisi se bhi support nahi milta hai lekin baad mein sabhi log team mein aane lagte hain. Team ko lead Iron Man karta hai. Jiska main kaam time machine ko design karna hai. Hulk aur Iron Man mil kar iss time machine ko banana shuru karte hain. Time machine ke through unka main motive unn sabhi stones ko collect karna hai jo Thanos ne last part mein unse le liye the. Lekin sabhi ke pass sirf ek hi chance hota hai present se past mein aane aur jaane ke liye.

 

Movie mein jab jab aap Iron Man ko screen par dekhte hai to aapko hasne ka mouka jarur milta hai. Saath hi movie ka first half second half ke compare mein thoda slow lagta hai. Movie mein ek point aisa bhi aata hai jahaan women power ko Thanos ke khilaaf use kiya jaata hai. Sabhi lady super heroes akele hi thanos ka saamna karti hain. Last part ki tarah iss part mein kuch super heroes ko apne doston aur duniya ko bachaane ke liye jaana padta hai, jo ki fans ko kaafi disappoint bhi kar sakta hai. Kyun aap kabhi bhi inn super heroes ko miss karna nahi chahenge.

 

Aapko kayi baar yeh feel ho sakta hai ki ab movie yahaan end ho sakti hai lekin ek ke baad ek suspense movie mein bane rahte hain. Movie mein time machine ka ek alag hi major role hai. Lekin movie ka end sabse jyada excite karta hai jahaan aap josh se poori tarah bhar jaate hain. Thanos aur Avengers ke beech hone wali yeh fight aap baar baar dekhna pasand kar sakte hain. Lekin kya super heroes unn sabhi stones ko baapas le paate hain ya nahi aur kya unke sabhi khoye huye super heroes unhe baapas milte hain ya nahi iske liye aapko movie theater mein jaa kar dekhni padegi. Movie ka screen play aur direction kaafi behtar hai. Iss movie ko aap apni family aur friends ke saath enjoy kar sakte hain. Saath hi movie ko ek  se jyada baar dekhne mein bhi aapko interest aa sakta hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: