August 2019 Mein India Mein Premium Se Budget Range Mein Launch Honge Ye Phones

August start ho chuka hai aur kaafi smartphone companies, is month mein apne new products India mein launch karne waali hain. Is month mein aapko Samsung Note 10 jaise premium handsets se lekar kuch budget smartphones dekhne ko milenge.

Agar aap bhi new smartphone purchase karna chahte hain, to is month mein aane waale smartphones ki list neeche check zaroor karein.

Samsung Galaxy Note 10 series

August 7 ko Samsung Unpacked Event mein company Galaxy Note series ko unveil karne waali hai, iss pehle iske kaafi leaks bhi aa chuke hain. Is series mein is baar two smartphones aane waale hain, jinmein Galaxy Note 10 aur Note 10+ shaamil hain. In dono smartphones mein Snapdragon 855 Plus chipset aur kuch countries mein Exynos 9825 chipset aayega.  Iske alawa Galaxy Note 10 series mein 12GB tak ki RAM, 3200mAh aur 4300mAh ki batteries aur 6.28 inch  and 6.9 inch ki 2K OLED display dekhne ko milengi.

Vivo S1

Vivo bhi apni nayi S-series mein Vivo S1 ko India mein launch karne jaa raha hai. Is handset ko introduce karne ke liye company ne 7th August ko ek event rakha hai. Is smartphone mein 6.38 inch ki full HD+ AMOLED display, in-display fingerprint scanner aur 32 MP ka selfie shooter hoga. Wahin Octa Core MediaTek Helio P65 chipset ke saath India mein aane waala ye first smartphone bhi hai.

Vivo S1 mein 4500mAh ki battery aur 16+8+2 MP ke triple rear cameras honge.

Xiaomi Mi A3 & A3 Lite

Popular Android One smartphone Mi A2 ka successor Mi A3 bhi is month mein India mein entry le sakta hai. Halaanki globally ye smartphone launch ho chuka hai aur ismein aapko 6.08 inch ki HD+ AMOLED display, Octa Core Snapdragon 665 SoC aur 4035mAh ki battery milegi.

Wahin camera section mein 48 MP ka primary rear camera, 8 MP ka ultra wide angle lens aur 2 MP ka depth sensor milega. Selfies ke liye is handset mein bhi aapko 32MP ka front facing snapper diya gaya hai.

Isi ke saath Mi A3 Lite ko bhi expect kiya jaa raha hai, halaanki in dono handsets ke launch ki official announcement abhi hona baaki hai.

ASUS ROG Phone II

ASUS ROG Phone II, Snapdragon 855 Plus ke saath aane wala first smartphone hai, jo ki last month announce ho chuka hai aur is month mein iske India aane ki expectation kaafi high hain. ROG Phone II mein 6.59 inch ki full HD+ AMOLED display, jo ki 120Hz refresh rate ke saath di gayi hai, aayegi. Ismein 12GB tak ki RAM aur 512GB tak ke internal memory options diye gaye hain.

Ismein rear panel par aapko 48MP ka primary camera aur 13 MP ka secondary camera diya gaya hai, jabki front par yahaan 24MP ka selfie shooter fitted hai. Is handset mein company ne 6000mAh ki giant battery 30W fast charging support ke saath di hai.

Honor 9X

Affordable smartphone Honor 8X ka successor bhi August 2019 ke upcoming smartphones ki list mein shaamil hai. Ye handset bhi globally announce ho chuka hai aur India mein jaldi hi launch kiya jaa sakta hai. Ismein bhi aapko 48 MP ka Sony IMX586 sensor aur 2 MP ka depth sensor dekhne ko mil sakta hai.

Wahin front par ismein 16 MP ka selfie camera hoga. Honor 9X mein 6.59 inch ki full HD+ AMOLED display aur haal hi mein launch hua Kirin 810 processor ho sakta hai. Iske alawa ismein 8GB tak ki RAM aur 256GB tak ki storage aayegi.

Huawei Y9 Prime 2019

Huawei ka ye phone bhi affordable range mein aata hai aur aaj hi yaani ki August 1, 2019 ko India mein launch hua hai. Is phone ko 15,990 INR ke price par launch kiya gaya hai aur ismein 6.59 inch ki FHD+ TFT display ke saath 16 MP ka pop-up selfie camera diya gaya hai.

Huawei Y9 Prime 2019 mein 16+8+2 MP ke triple rear cameras hain aur 3900mAh ki battery di gayi hai.

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: