August 12 Ko Jio Launch Kar Sakta Hai, GigaFiber Broadband Ke Ye 3 Subscription Plans

Telecom operator ki list mein top par aane ke baad, Jio ab broadband sector mein bhi expansion kar raha hai aur isi ke chalte khabar aayi hai ki is month mein yaani ki August 2019 mein Jio apni broadband service GigaFiber ke three subscription plans launch kar sakta hai.

Jio GigaFiber, jo ki last year announce hua tha, beta testing ke liye one year se public mein available hai, lekin iske monthly subscriptions ke costs abhi tak saamne nahin aaye hain, jiska sabhi ko intezaar bhi hai.

Halaanki rumors ye bhi hain ki GigaFiber ke plans ke saath Reliance Jio ,DTH services mein bhi entry le sakta hai aur GigaFiber ke saath GigaTV ko include karke monthly plan launch kar sakta hai.

BankAm-Merrill Lynch naam ke ek US brokerage ne ye kaha hai ki Jio ek subscription plan jaldi hi launch kar sakta hai, jise three parts mein divide kiya jayega. Ye plan jin three different parts mein aa sakta hai, unhein aap neeche dekh sakte hain.

Basic 100mbps connection

Is plan mein Jio aapko 100mbps ki speed ke saath broadband connection de sakta hai. Ismein aur kuch jaise ki Tv connection, etc. nahin hoga. Well, iski price 500 INR per month se start hogi, aisa expect kiya jaa raha hai.

Basic connection + TV services

Is plan mein aapko GigaFiber internet connection ke saath GigaTV service bhi milegi. GigaTV service mein aapko set-top box bhi saath mein diya jaa sakta hai, jise aap Jio ke broadband connection ke through access kar sakte hain aur yahaan apko internet ke through sabhi TV channels access karne ko milenge. Is plan ka monthly subscription lagbhag 600 INR se start ho sakta hai.

TV service + broadband connection + IoT

Is plan mein bhi aapko GigaFiber aur GigaTV services milengi. Saath hi ismein company ki taraf se IoT controller device bhi diya jayega, jisse aap apne ghar ke sabhi smart appliances ko control kar sakte hain, jaise ki smart bulbs, smart TVs, ACs, etc.

Is plan ka cost 1,000 INR se upar jaane ki ummid hai, jo ki thoda sa high lag raha hai.

Well, in sab plans ki charcha shuru ho chuki hai aur rumors ye hain ki company in plans ko 12th of August ko India mein announce kar sakti hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: