ASUS Zenfone Max Pro M2 Aur Max M2 India Mein Affordable Price Par Launch Huye

Hello Friends, Aaj kuch dinon ki chuttiyon ke baad, hum phir se haazir hain. Aaj ki sabse khaas khabar hai, New Delhi mein ASUS ke Zenfone Max Pro M2 aur Max M2 ka launch.

Zenfone Max Pro M2

Sabse pehle baat karte hain, Zenfone Max Pro M2 ki. Zenfone Max Pro M2 ko Blue aur Titanium colors mein launch kiya gaya hai. Is handset mein aapko notch ke saath 6.26 inch ki FHD+ display, Corning Gorilla Glass 6 protection ke saath milti hai. Iske alawa ismein Snapdragon 660 chipset aapko milta hai aur saath hi 3GB / 4GB ke RAM options hain aur 32GB / 64GB ke internal storage options bhi diye gaye hain.

 

Zenfone Max Pro M2 mein 12+5 MP ka dual rear camera setup, aapko yahaan par mil jaata hai aur ye LED flash light, f/1.8 aperture, Sony IMX486 sensor, 1.25μm pixel size, Pro Mode aur PDAF jaise features ke saath diya gaya hai. Ismein 13 MP ka selfie camera, f/2.0 aperture aur LED flash light ke saath moujood hai. Saath hi NXP Smart Amplifier ke saath ismein 5-magnet ek speaker diya gaya hai.

Iske alawa iski ek aur highlight hai, ki is smartphone mein aapko 5000mAh ki battery capacity milti hai aur Zenfone Max Pro M2 aapko dual 4G VoLTE aur dual SIM support ke saath milta hai.

Zenfone Max M2

Zenfone Max M2, is range mein cheaper phone hai, jismein 6.26 inch ki HD+ display hai aur yahaan par display protection nahin hai. Ye handset Snapdragon 632 processor par chalta hai aur ismein bhi two storage options diye gaye hain.

Yahaan aapko 13 MP ka primary rear camera, f/1.8 aperture, LED flash, aur Pro mode ke saath milta hai, saath hi 2 MP ka secondary rear camera, depth focusing ke liye diya gaya hai. Zenfone Max Pro M2 ke mukaable ismein aapko kam battery milti hai, jo ki 4000mAh ki hai. Yahaan 8 MP ka selfie snapper hai aur dual 4G VoLTE support ismein bhi diya gaya hai.

Zenfone Max Pro M2 aur Max M2, dono hi Android 8.1 Oreo OS par chalte hain. Saath hi dono mein aapko rear mounted fingerprint sesnors bhi diye gaye hain. ASUS ke ye dono smartphones Flipkart exclusive hain aur inhein Blue and Black colors mein launch kiya gaya hai.

Pricing and Availability

Zenfone Max Pro M2 mein 3GB RAM ke saath 32GB storage options ka price 12,999 INR hai, jabki 4GB+64GB variant ki cost 14,999 INR hain. Iske alawa ismein high-end version bhi launch kiya gaya hai jo aapko 6GB RAM aur 64GB storage ke saath, 16,999 INR ki kimat par mil sakta hai. Is smartphone ko 18th December, 2018 se aap Flipkart par kharid sakte hain.

Wahin, Zenfone Max M2 mein 3GB+32GB version ka price 9,999 INR hai, jabki iske 4GB+64GB model ko 11,999 INR ke price par launch kiya gaya hai. Ise aap 20th December, 2018 se purchase kar sakte hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: