ASUS Zenfone Max Pro M1, Flipkart Par Launch Hua, Kharidne Waalon Ke Liye Interesting Offers

ASUS ne India mein apna naya affordable smartphone launch kiya hai jiska naam Zenfone Max Pro M1 hai. Halaanki log is ummid mein hain ki company Zenfone 5 series ko India mein kab launch karegi, lekin filhaal isi smartphone se kaam chalana padega.

ASUS ka Max Pro M1 Deepsea Black and Grey colors mein 3 May se kharidne ke liye available hoga aur ye 2 variants mein aapko mil sakega jismein 3GB RAM ke saath 32Gb ROM version aur 4Gb RAM ke saath 64GB internal storage variant shaamil hain. Halaanki company ka kehna hai ki wo iska ek aur version jismein 6GB RAM aur 64GB ROM hogi, jaldi hi launch karenge.

Is smartphone ki khaas baat ye hai ki ye ek Flipkart exclusive smartphone hai jiske saath aapko kuch offers bhi mil rahe hain, jaise ki:

  • 3200 INR tak ka Vodafone offer.
  • Vodafone RED 399 pack postpaid users ke liye every month 10GB additional data 1 saal tak free.
  • Vodafone ka 199 INR ka tariff plan lene waale prepaid users ko bhi 10GB data har mahine 1 saal tak ke liye free.
  • Vodafone RED 499 plan lene waalon ko 2 years ke liye free Vodafone RED Shield device security plan.
  • Flipkart ki taraf se complete mobile protection bhi milegi jismein smartphone ki display tootne par, liquid damage, hardware ya phir software issues hone par aapke ghar se device pickup and drop ki facility aur 10 din ke andar aapke device ki har problem ka solution hoga. Ye offer is samay aapko kewal Rs. 49 mein 1 saal ke liye milega.
  • Sabhi credit cards par No Cost EMI offers.
  • Flipkart par 1,000 INR ka additional exchange offer bhi diya jayega.

Ab iske specs ke baare mein baat karein to Zenfone Max Pro M1 mein 5.99 inch ki FHD+ display hai aur ye aapko snapdragon 636 chipset ke saath milta hai. Is smartphone mein dual SIM slot aur ek microSD card slot moujood hai.

Camera ki baat karein to, Zenfone Max Pro M1 13 MP ke primary rear camera ke saath aayega jismein f/2.2 aperture, LED flash light aur PDAF jaise features hain aur saath hi 5 MP ka secondary rear camera bhi. Is handset mein front camera 8 MP ka hai jismein soft LED flash light di gayi hai aur iski battery 5000mAh ki hai. Ismein aapko fingerprint scanner aur face unlock dono hi feature milte hain.

Price ki baat ki jaaye to, Zenfone Max Pro M1 ke 3GB RAM version ki kimat 10,999 INR hai, 4GB RAM wala smartphone aapko 12,999 INR ka milega aur jaldi hi 6GB RAM ke saath iska ek aur version 14,999 INR ki kimat par launch hoga.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: