ASUS Zenfone Max M1 Aur Zenfone Lite L1 India Mein Affordable Price Ke Saath Launch Huye: Unboxing Video, Price And Specs

ASUS ne aaj India mein two new smartphones launch kiye hain. Dono hi smartphones affordable range mein hain aur inke naam hain – Zenfone Max M1 and Zenfone Lite L1.

Dono handsets Flipkart exclusive hain aur is month ke end mein Flipkart ki Festival Dhamaka Days sale ke dauraan sale ke liye available honge.

In dono smartphones ki unboxing aap neeche dekh sakte hain.

ASUS Zenfone Lite L1

Pehle baat karte hain Zenfone Lite L1 ki, to ismein aapko 5.45 inch ki HD+ IPS display milti hai aur Octa Core Snapdragon 430 processor ke upar ye chalta hai. Halaanki ismein storage thodi kam hai. Yahaan aapko 2GB ki RAM aur 16GB ki internal memory di gayi hai. Isi ke saath 13 MP ka dual rear camera hai, jo ki LED flash light aur 5P lens ke saath aayega. Jabki front par 5 MP ka snapper diya gaya hai.

Zenfone Lite L1, Android 8.0 Oreo ke saath aayega aur is par, ZenUI 5.0 custom UI hogi. Dual SIM based is smartphone mein face unlock feature bhi hai aur 3000mAh ki battery moujood hai.

ASUS Zenfone Max M1

Zenfone Max M1 mein bhi 5.45 inch ki HD+ display hai aur yahaan bhi Octa Core Snapdragon 430 chipset hi milne waala hai. Halaanki storage mein yahaan 3GB RAM aur 32GB native storage moujood hai. Zenfone Max M1 mein bhi aapko 13 MP ka single rear camera hi mil raha hai, lekin front par selfie ke liye 8 MP ka shooter diya hai.

Battery capacity dekhein to, Zenfone Max M1 mein 4000mAh ki battery di gayi hai. Ismein aapko fingerprint reader aur face unlock dono hi milte hain.

ASUS Zenfone Lite L1 ki kimat Flipkart Festival Dhamaka Days Sale mein 5,999 INR hogi. Jabki Zenfone Max M1 aapko 7,499 INR mein milne wala hai. Is sale ke baad in handsets ki kimat 6,999 INR aur 8,999 INR hogi, jo ki thodi overpriced hi lagti hai.

Yahaan dekhein Sharmaji dwara in smartphones ki unboxing.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: