Asus Zenfone 6Z Next Month Hoga Launch, Saamne Aayi Phone Ki Geekbench Reports

Next month Asus apne new flagship phone Zenfone 6Z ko lunch karega. Launch ki date company ne reveal kar di hai jo ki 16th May hai. Launch se pehle hi iss phone ke leaks aana shuru ho gaye hain. Yeh phone Geekbench list par dekha gaya hai jahaan phone ki kuch specification bhi saamne aayi hain. Iss phone ka launch event Spain mein rakha gaya hai. Iss phone ko Geekbench ke alawa WiFi Alliance (WFA) aur Taiwan ki National Communication Commission ki website par bhi dekha gaya hai jismein iss phone ka model ASUS_I01WD bataya gaya hai.

 

Slashleaks/com ki news ki according yeh phone Qualcomm Snapdragon 855 Octa Core CPU aur 6GB RAM support ke saath aa sakta hai. Geekbench list mein iss phone ka single core test marks 3,527 aur multiple core test marks 11,190 bataye gaye hain. Saath hi yeh bhi bataya gaya hai ki yeh phone Android 9.0 Pie OS par run karega. Yeh score Samsung Galaxy S10 ke score se bhi behtar hain. Samsung Galaxy S10 ka single core test marks 3,438  aur multi core test marks 10,637  tha. Jis se ummid ki jaa rahi hai ki yeh phone performance mein Samsung Galaxy S10 ko beat kar sakta hai.

 

WFA ke thorugh saamne aayi leaks mein bataya  gaya hai ki yeh phone dual band Wi-Fi  802.11 b/g/n ac ko support kar sakta hai. Inn sab ke alawa yeh bhi bataya jaa raha hai ki yeh phone latest punch hole camera display ke saath bhi launch kiya jaa sakta hai. Saath hi phone mein kaafi kam bezels bhi dekhne ko mil sakti hai. Rumors ke according Zenfone 6Z ke saath company Zenfone 6 aur Zenfone 6 Lite ko bhi announce kar sakti hai. Abhi tak saamne aayi leaks images mein yeh phone kaafi kam bezels ke saath dekha gaya hai. Ab iss phone ke launch ka intejaar humein karna hoga, jiske baad hi iss phone ki poori specs aur price ka khulasha kiya jaa sakega.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: