Asus Zenfone 6 Ki Launch Date Huyi Announce, Phone Mein Nahi Milegi Kisi Tarah Ki Notch

Asus ne apne next flagship smartphone Asus Zenfone 6 ki launch date announce kar di hai. Saath hi iss phone ki teaser image bhi saamne aayi hai. Company iss phone ko 16th May ko announce karegi. Official teaser image mein yeh phone notch-less aur poori tarah se bezel-less dikhai de raha hai. Sources ki according iss phone mein dual mechanism slider dekhne ko mil sakta hai.

 

Abhi tak notch-less aur bezel-less design ke alawa company ne iss phone ke baare mein koi information share nahi ki hai. Lekin iss phone ko last month US Federal Communication ki website par dekha gaya tha jismein bataya gaya hai ki yeh phone Qualcomm Snapdragon 855 chipset ke saath launch kiya jaa sakta hai. ANTUTU listing ki maane to iss phone mein Android 9 Pie operating system dekhne ko mil sakta hai saath hi yeh phone dual rear camera setup ke saath launch kiya jaa sakta hai jismien primary camera 48MP ka mil sakta hai. Saath hi yeh bhi bataya gaya tha ki yeh phone 18W ki fast charging ke saath aa sakta hai.

Teaser image ko Asus ke official Twitter handle par share kiya gaya hai ise aap upar dekh sakte hain. ANTUTU listing mein iss phone ki chipset ke alawa storage ko bhi disclose kiya gaya tha jo ki 6GB RAM aur 128GB internal storage ki batayi jaa rahi thi. Iss twitter post mein company ne ek link ko bhi attach kiya hai jise click karne par aap ek naye page par pahunchte hain. New page Asus ki official website par open hota hai jahaan aapko ek video dikhai dega jo ki Asus Zenfone 5 tak ke revolution ko dikhata hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: