ASUS Zenfone 6 Ki Launch Date Announce Hui, Spain Mein Hoga Global Launch

MWC 2019 mein jahaan sab log ASUS ke Zenfone 6 ka intezaar kar rahe the, wahaan is company ka koi bhi product nazar nahin aaya, lekin kuch reporters ne MWC ke dauraan ek magazine dekhi hai, jismein ASUS ke abhi tak ke sabhi flagships aur Zenfone 6 ki launch date nazar aayi.

Jahaan is khabar ko ek rumor ki nazar se dekha jaa raha tha, aise mein aaj ASUS ke khud Twitter par upcoming flagship Zenfone 6 ki launch date announce kar di hai.

Company ne Twitter account par ek post jaari kiya hai, jismein Zenfone 6 ki launch date 16th May bataayi gayi hai aur global launch event Valencia, Spain mein hoga. Is launch date ki announcement ke liye company ne ek video bhi share kiya hai, jise aap neeche dekh sakte hain.

Is video mein ASUS ne sabhi puraane phones se lekar upcoming Zenfone 6 ki launch date tak sab kuch hai. Wahin yahaan sirf Zenfon 6 ka jikr hai, baaki Zenfon 5Z, Zenfone 5 Lite ke successors ko lekar kuch nahin bataaya gaya hai.

Zenfone 5Z ko company ne SD 845 ke saath last year announce kiya tha, aur is smartphone ko India mein kaafi achha response bhi mila hai. Wahin Zenfone 6 mein Snapdragon 855 chipset ko expect kiya jaa raha hai aur company ne bhi ise “Defy Ordinary” tag line ke saath tease kiya hai.

Isi ke saath kuch weeks pehle aaye Zenfone 6 ki ek rumored image mein ye phone gradient color option aur triple rear cameras ke saath dikha tha, jaisa ki aap upar dekh paa rahe honge. Is image ko aap neeche dekh sakte hain aur ismein rear mounted fingerprint sensor bhi nahin hai. Maana jaa raha hai ki is handset mein bhi aapko notch-less display mil sakti hai. Zenfone 6 punch-hole selfie camera ya pop-up selfie camera ke saath bhi launch kiya jaa sakta hai.

Isi ke saath expect ye bhi kiya jaa raha hai ki Zenfone 5Z ki hi tarah ise bhi company affordable price par launch kare.

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: