ASUS Zenfone 6 Ki Images Leak Hui, Gradient Color Options Expected

Is samay jahaan lagbhag sabhi leading companies MWC 2019 mein apne products ya flagship smartphones launch karne ki taiyaari mein hain, wahin ASUS ke bhi next flagship smartphone ka launch expect kiya jaa raha hai. Aaj ASUS ke upcoming smartphone ki images bhi leak hui hain, jisse ye expectation aur bhi badh gayi hai.

ASUS ne last year MWC mein Zenfone 5Z announce kiya tha, ye aane wala phone Zenfone 6Z hoga, ya Zenfone 6, ye abhi kehna mushkil hai, kyunki company ne naye smartphone ke launch ko lekar abhi koi announcement nahin ki hai. Lekin aaj ASUS ke is smartphone image ki leak se lag raha hai ki ye company bhi MWC 2019 mein hissa lene ko taiyaar hai.

Leaked image mein aap dekh sakte hain ki gradient color ke saath ye smartphone aa sakta hai. Iske alawa Zenfone 6 / 6Z mein triple rear cameras nazar aa rahe hain, jinke neeche LED flash di gayi hai. Is handset ke rear panel par fingerprint sensor nahin hai, jiska matlab aap log samajh hi gaye honge. Yes ! ye bhi in-display fingerprint scanner ke saath launch ho sakta hai.

Halaanki front panel ki image leak nahin hui hai, lekin iske background mein nazar aa rahe phone ke box ko agar aap dekhenge, to aapko phone ke front panel ki ek jhalak milegi, jo ki thodi niraash karne waali hai. Is front panel ki image mein aap dekh sakte hain ki ye screen kuch 18:9 ratio ke saath dikh rahi hai, saath hi phone ka top & bottom bezel thick hai aur koi notch bhi nahin hai.  Agar is handset ka front panel aisa hi raha to ye ASUS fans ko zaroor niraash kar dega. Halaanki ye confirm nahin hai, ki ye box isi smartphone ka hai, ya nahin.

Wahin ye bhi kaha jaa raha hai ki is upcoming smartphone mein humein flagship chipset nahin, balki mid-range processor Snapdragon 675 ya Snapdragon 712 dekhne ko mil sakta hai. Iske alawa abhi iske baare mein koi aur information nahin hai.

Lekin ye zaroor kaha jaa sakta hai, ki Zenfone 6 / 6Z ki first leak koi flagship smartphone ka andesha nahin de rahi hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: