ASUS Zenfone 6 Ka Hands-On Video Leak, Weird Notch Ke Saath Poora Design Reveal Hua

ASUS ka Zenfone 5Z, India mein behad pasand kiya jaa raha hai. Lekin ab ye company, ise peeche rakh kar apni agli series ki taiyaari kar rahi hai, Zenfone 6 ko lekar kuch images pehle bhi leak hui thi, lekin wo dummies the. Par ab jo leak saamne aaya hai wo ek hands-on video hai, jismein Zenfone 6 ko har angle se dikhaaya gaya hai.

Zenfone 6 ke is hands-on video mein, jo ki article ke last mein diya gaya hai, aap dekh sakte hain ki right corner ke nazdeek waterdrop notch dikh raha hai, jismein front camera moujood hai, ismein bhi aapko notification LED light nahi dikhegi. Iske alawa behad thin bezels ke saath full view display nazar aa raha hai.

Iske alawa Zenfone 6 ke rear panel par aap dekh sakte hain ki center mein vertically dual rear cameras fitted hain aur inke thik neeche fingerprint scanner hai. Yaani ki yahaan in-display fingerprint scanner nahin diya gaya hai.

Well, in video aur images ko prototype bhi maana jaa raha hai, ho sakta hai ki ye Zenfone 6 ka final version naa ho. Jaisa ki hum jaante hi hain, full production se pehle hare k smartphone ko lekar ek phase mein kayi prototypes banaaye jaate hain, lekin kayi baar ye assembly line dwara bane final version se different hote hain.

Zenfone 6 ke is hands-on video mein ye smartphone kaafi interesting lag raha hai, lekin iske detailed specs ko lekar abhi koi charcha nahin hai. Halaanki ye expect ye kiya jaa raha hai ki ASUS Zenfone 6 ko MWC 2019 mein unveil kiya jaane ki planning ho rahi hai.

Well, ab ye khabarein kitni sahi hai, ye to aane waale samay mein humein aur aapko pata chal hi jayega.

 

Source

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: