Asus Zenfone 6, India Mein Asus 6Z Ke Naam Se Iss Date Par Hoga Launch, Company Ne Kiya Confirm

Taiwan based company Asus ne apne flagship smartphone Asus Zenfone 6 ko Spain mein already launch kar diya hai. Haal hi mein company ne iss phone ki India launch date bhi announce kar di hai. Iss phone ko India mein 19 June ko launch kiya jaayega. Saath hi yeh bhi bataya gaya hai ki yeh phone Flipkart exclusive hoga.

Company ki taraf se bheje gaye media invites aur Flipkart ki updated micro-site ki according iss phone ko India mein Asus 6Z ke naam se launch kiya jaayega.  Aisa company ne Delhi High Court ke order ki wajah se kiya hai. Delhi High Court ne company ko apne kisi bhi product ko Zen ya Zenfone ki branding ke saath launch na karne ka order diya hai.

Asus Zenfone 6 aka Asus 6Z mein naam ke alawa koi difference dekhne ko nahi milega. Asus Zenfone 6 mein 6.46 inch ki nano edge IPS LCD display di gayi hai, jo ki corning gorilla glass 6 protection ke saath aati hai. Issi ke saath phone mein aapko Octa Core Snapdragon 855 processor , Adreno 640 GPU ke saath dekhne ko milta hai.

Spain mein iss phone ko company ne 6GB/64GB, 8GB/128GB aur 8GB/256GB storage mein launch kiya hai. Iss phone ka camera iski main highlight hai, jismein aapko 48MP+13MP ka motorized dual flip camera dekhne ko milta hai. Yahi camera ismein front facing camera ka kaam bhi karta hai. Yeh phone 5000mAh ki battery ke saath aata hai jo Quick Charge 4.0 fast charging ko support karti hai. Spain mein iss phone ki shuruaati keemat €499 (~Rs 39,000) rakhi gayi hai. Expect kiya jaa raha hai ki company iss phone ko Rs 36,000 ki starting price ke saath India mein launch kar sakti hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: