ASUS Zenfone 6 Images & Specs: Dual Slider, Attractive Design Ke Saath Aaya Nazar

ASUS 16th May ko Zenfone 6 series ko Spain mein launch karne jaa raha hai. Lekin isse pehle company ne Twitter handle par iske kuch key features reveal kiye hain aur abhi Zenfone 6 ki kuch images bhi hamaare saamne aayi hain, jinmein iska design kaafi appealing lag raha hai. Ye pictures Indian leakster ne share ki hain.

Company ne jo tweet karke is upcoming flagship smartphone ko tease kiya hai, usse confirm hota hai, ki Zenfone 6 mein humein, triple card slots, Snapdragon 855 chipset, audio jack, notification LED light jaise sabhi features milne waale hain. Yahaan par aapko dedicated microSD card slot mil raha hai, jo next week launch hone waale OnePlus 7 series mein nahin hai. Is teaser tweet ko aap neeche dekh sakte hain.

Iske alawa Zenfone 6 ki jo image leak hui hai, ismein dual slider mechanism hai. Upar ki taraf slide karne par aapko front cameras nazar aayenge aur neeche ki taraf jo slider mechanism hai, usmein Harman kardon ke stereo speakers diye gaye hain. Saath hi iska rear panel bhi kaafi attractive hai.

Achhi baat yahaan par ye hai ki Zenfone 6 mein dual selfie cameras mil sakte hain, jinmein ek main camera aur doosra wide angle shooter hoga. Lekin yaahan par ek feature hai, jo shayad consumers ko pasand nahin aaye, wo ye ki is smartphone mein rear mounted fingerprint sensor hai, jise aap neeche di gayi image mein dekh sakte hain. Saath hi front par three sides par bezels kaafi kam hai, wahin bottom chin thodi thicker hai.

Pricing Details

Iske alawa iThome.com ki ek report ke according, ASUS Zenfone 6 ke three storage variants launch kiya jayenge. Inmein 6GB+128GB variant ki cost 45,000 INR, 8GB+256GB version ki price approx. 54,000 INR aur 12GB+512GB high-end variant ki cost approx. 67,000 INR ho sakti hai.

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: