ASUS Zenfone 6, Dual Flip Camera & Snapdragon 855 Ke Saath Announce Hua

ASUS ne finally, Spain mein ek global launch event ke dauraan Zenfone 6 ko announce kar diya hai. Is smartphone ko Midnight Black aur Twilight Silver colors mein launch kiya gaya hai. Saath hi iske three variants saamne aaye hain, jinmein 6GB RAM ke saath 64GB storage, 6GB RAM ke sath 128GB internal memory aur 8GB RAM ke saath 256GB inbuilt storage shaamil hain.

Specs ki baat karein to, ASUS Zenfone 6 mein is baar flip camera hai. Is dual flip camera ko aap rear camera aur selfie camera, dono tarah se use kar sakenge. Ismein 48MP ka primary camera dual LED flash light , f/1.79 aperture aur Sony IMX 586 sensor ke saath diya gaya hai. Wahin 13 MP ka secondary shooter 125 degree ultra wide angle lens aur f/2.4 aperture ke saath moujood hai.

Zenfone 6 mein 6.46 inch ki full HD+ NanoEdge IPS LCD display hai, jis par aapko Corning Gorilla Glass 6 protection milti hai aur saath hi HDR 10 support bhi hai. Is flagship smartphone mein, Qualcomm ka flagship chipset Snapdragon 855 moujood hai.

Ye handset triple card slots ke saath aata hai aur dedicated microSD card slot mein aap 1TB tak ka memory card put kar sakte hain. Saath hi ismein rear mounted fingerprint scanner ka option hai aur 5000mAh ki gaint battery aapko yahaan 18W Quick Charge 5.0 support ke saath milti hai.

Zenfone 6 mein Android 9.0 Pie OS ke saath Zen UI 6 moujood hai.

Ab aate hain is smartphone ki pricing ki taraf, jise aap neeche dekh sakte hain.

  • 6GB+64GB storage – 499 Euros (approx. 39,000 INR)
  • 6GB+128GB storage – 559 Euros (approx. 44,000 INR)
  • 8GB+256GB storage – 599 Euros (approx. 47,000 INR)
Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: