ASUS Zenfone 5Z VS OnePlus 6 Detailed Comparison: Winner Kaun Hai ?

OnePlus 6 ka design ho, ya phir performance, ye phone sabhi har tarah se market mein successful prove hua hai aur apne lagbhag sabhi competitors se aage hi hai. Ab tak is smartphone ko Honor 10, Vivo X21, etc. se compare kiya jaa raha tha. Lekin 4th of July ko launch huye ASUS ke Zenfone 5Z ko bhi ab is list mein shaamil kar liya gaya hai. Zenfone 5Z bhi kaafi achhe specs aur flagship processor ke saath 30,000 INR ki range mein launch kiya gaya hai aur OnePlus 6 ka starting price bhi 34,999 INR hai.

Aaiye dekhte hain ki ASUS aur OnePlus ke in latest flagship smartphones mein kaun saa behtar performer saabit hota hai.

Design and Build Quality

OnePlus 6 aur ASUS Zenfone 5Z, dono hi smartphones metal aur glass ke bane huye hain aur design bhi dono ka hi premium hai. Halaanki OnePlus mein edges par buttons jis tarah diye gaye hain, unhein use karna jyada convenient hai. Iske alawa OnePlus 6 mein rear cameras center mein hain aur unke neeche fingerprint scanner hai. Wahin doosri taraf Zenfone 5Z mein cameras upper left corner mein hain aur fingerprint scanner center mein hai.

OnePlus 6 mein aapko three storage options milte hain jismein 64GB version ka price 34,999 INR hai aur ye kewal Mirror Black color mein hi available hai, jo ki dekhne mein kaafi attractive hai, lekin is par aapke fingerprints aasaani se ban jaate hain. Wahin doosri taraf Zenfone 5Z ka 64GB version kewal 29,999 INR mein milta hai, jo ki OnePlus 6 se 5,000 INR cheaper hai, saath hi ismein aapko Silver aur Blue, two color options milte hain.

Display

Ab agar display ki baat karein to, OnePlus 6 mein 6.28-inch ki full HD+ display hai, jis par Corning Gorilla Glass protection bhi moujood hai. Wahin, ASUS ke Zenfone 5Z mein bhi aapko 6.2-inch ki FHD+ display di gayi hai aur is par bhi Corning Gorilla Glass layer hai.

Halaanki ASUS ke Zenfone 5Z mein AMOLED panel hai, jabki Zenfone 5Z ki display IPS LCD display hai. Dono hi smartphones 19:9 ratio ke saath launch kiye gaye hain aur dono hi aapko acche colors, good viewing angles aur brightness offer karte hain, lekin phir bhi ye kehna sahi hai, ki behad kam difference ke saath OnePlus 6, Zenfone 5Z se thoda better hai.

Hardware and Software

Performance ke liye sabhi zaroori hai achha processor aur yahaan to dono hi smartphones mein Qualcomm ka latest flagship chipset moujood hai. OnePlus 6 aur ASUS Zenfone 5Z mein Octa Core Qualcomm Snapdragon 845 processor hai aur saath hi Adreno 630 graphics processing unite. Dono hi smartphones mein aapko performance se koi shikayat nahin hogi. Multitasking ho ya multimedia play karna ho ya phir Asphlat 8 aur 9 jaise heavy games khelne hon. Ye dono hi smartphones kaafi achhe aur smooth performer hain.

Saath hi dono hi handsets mein LPDDR4X RAM di gayi hai. Ab agar inke software ki baat karein to dono hi smartphones Android 8.1 Oreo ke saath aate hain. Iske saath hi dono smartphones mein different custom UIs hain, OnePlus 6 mein Oxygen OS 5.1 hai aur Zenfone 5z mein ZenUI. Lekin Oxygen OS 5.1 kaafi hadd tak stock Android ke close hai aur zaroori enhancements ke baad hi aapko kaafi familiar lagega. Wahin ZenUI ke saath aapko kaafi changes nazar aayenge, jinse kaafi software improvements hui hain, lekin ye stock Android se kaafi alag hai.

Camera

OnePlus 6 mein 16 MP ka primary aur 20 MP ka monochrome rear camera moujood hai jo ki dual LED flash light, f/1.7 aperture, OIS, slow motion videos jaise features ke saath aata hai. Ismein 16 MP ka front camera bhi hai jismein f/2.0 aperture aur Sony IMX 371 sensor hain.

Zenfone 5Z mein 12 MP ka primary rear camera jo dual tone LED flash light, Sony IMX363 sensor aur f/1.8 aperture ke saath diya gaya hai. Saath hi 8 MP secondary rear camera, f/2.0 aperture aur 120-degree wide-angle lens jaise features ke saath aata hai.

 

In case you miss our video

Yahaan par OnePlus 6 ka 16 + 20 MP ka dual rear camera setup aapko kaafi achhi pictures deta hai jinmein brightness, colors aur achhi detailing dekhne ko milti hai. Lekin Zenfone 5Z ka 12 + 8 MP ka rear camera setup, yahaan par OnePlus 6 ke comparison se thoda sa better hai. Kam resolution ke baad bhi aapko better detailing aur sharp & crisp images dekhne ko milti hain. Iske alawa dono smartphone ke cameras mein OIS aur portrait modes jaise features to hain hi.

Lekin front camera mein OnePlus 6 ka 16 MP shooter hi Zenfone 5Z ke 8 MP camera se aage hai, jo aapko low-light mein achhi selfies aur better detailing provide karta hai.

Battery

OnePlus 6 mein 3300mAh ki battery hai jo Dash charging ke saath aati hai aur Zenfone 5Z mein bhi 3300mAh ki battery ASUS Boost Master fast charging ke saath di gayi hai. Capacity same hone ke saath saath inka runtime bhi almost same hi hai. Mixed usage ke saath ye poora din aapka saath aasaani se deti hain aur dono hi smartphones ki battery lagbhag half-an-hour mein 50% tak charge bhi ho jaati hain.

Price And Availability

OnePlus 6 ke three storage versions hain jinmein 6GB RAM + 64GB ROM version kewal Mirror Black color mein 34,999 INR ke price par available hai. Iske alawa 6GB RAM + 128GB ROM variant ki kimat 39,999 INR hai aur ye Red, Midnight Black aur Silk White colors mein available hai. Jabki iska 8GB RAM + 256GB ROM option 43,999 INR mein mil raha hai.

Doosri taraf, Zenfone 5Z mein bhi two storage variants hai jinmein 6GB RAM + 64GB ROM ki kimat 29,999 INR hai. 128GB version ka price 32,999 INR hai aur finally 8GB RAM ke saath 256GB storage waale variant ko 36,999 INR ki kimat par launch kiya gaya hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: