ASUS Zenfone 5Z vs Honor 10 Detailed Comparison: Aapki First Choice Kya Hai ?

ASUS ka naya flagship smartphone haal hi mein India mein launch hua hai aur Zenfone 5Z ek Flipkart exclusive device hai jiski kimat 29,999 INR se start hoti hai. Wahin doosri taraf Honor 10 bhi isi ki takkar ka phone hai jiski khaasiyat hai uske rear panel ke colors aur starting price hai 32,999 INR.

Specs sheet par aur actual performance mein kaun saa handset kitna behtar hai, aaiye daalte hain, ek nazar.

Design and Build Quality

ASUS Zenfone 5Z aur Honor 10, dono hi smartphones premium quality glass se bane hain, ASUS Zenfone 5Z aapko Midnight Blue aur Meteor Silver color variants mein milta hai, jabki Honor 10 is samay Phantom Blue aur Midnight Black colors mein available hai. Design wise dono hi smartphones khoobsoorat aur slim hain, lekin fir bhi Honor 10 ke rear par dikhne waale attractive color reflections uske design ko aur bhi sundar bana dete hain, saath hi ye Zenfone 5Z se halka sa slim hai.

Overall, dekha jaaye to, Honor 10 ka design jyada sundar hai.

Display

Zenfone 5Z mein 5.2-inch ki FHD+ Super IPS+ display, 18.7:9 ratio ke saath di gayi hai. Jabki Honor 10 mein 5.84-inch ki full HD+ display 19:9 ratio ke sath di gayi hai.

Dono smartphones mein IPS LCD, notch displays moujood hain. Dono ki displays kaafi acchi hai, Honor 10 ke display ki dynamic range kaafi behtar hai, jabki Zenfone 5Z ka contrast better hai, jiski wajah se multimedia ka experience kaafi achha milta hai.

Hardware and Software

Zenfone 5Z mein 2.7 GHz ki clock speed ke saath Qualcomm ka flagship chipset Snapdragon 845 power dene ke liye moujood hai, jiski performance kaafi better hai. Doosri taraf Honor 10 mein 2.4 GHz Octa Core Kirin 970 processor diya gaya hai. iske saath hi Zenfone 5Z mein istemaal ki gayi storage aur RAM ki quality bhi Honor 10 ke comparison mein jyada achhi hai.

Dono hi smartphones mein Android 8.1 Oreo OS moujood hai, lekin Zenfone 5Z mein Android par ZenUI 5.0 skin hai aur Honor 10 par EMUI 8.1 interface hai. Dono mein se humein ZenUI jyada behtar laga, lekin aapki priorities alag ho sakti hain aur aapko EMUI 8.1 bhi pasand aa sakta hai.

Camera

Zenfone 5Z mein 12 + 8 MP ka dual rear camera setup hai. 12 MP ka primary rear camera dual tone LED flash, Sony IMX 363 sensor, f/1.8 aperture aur dual pixel PDAF ke saath diya gaya hai aur 8 MP ka secondary camera, f/2.0 aperture aur 120 degree wide angle lens. Saath hi ismein 8 MP ka frontal sensor bhi moujood hai jismein f/2.0 aperture aur OV8856 sensor jaise features hain.

Doosri taraf, May mein launch huye Honor 10 mein 16 MP ka primary rear camera LED flash light ke saath diya gaya hai aur 24 MP ka secondary monochrome rear shooter f/2.0 aperture ke saath moujood hai. Ismein Zenfone 5Z ke mukaable kaafi behtar front facing camera 24 MP resolution ke saath moujood hai.

Battery

Honor 10 mein 3400mAh ki inbuilt battery fast charging support ke saath di gayi hai. Jabki Zenfone 5Z mein 3300mAh ki battery moujood hai jo ASUS BoostMaster fast charging aur AI charging ke saath aayegi. Battery capacity dono smartphones ki almost same hai, lekin use karne ke baad pata chalta hai, ki Zenfone 5Z ki battery Honor 10 ke mukaable kaafi achhi hai aur chalti bhi jyada hai.

Pricing and Availability Details

Zenfone 5Z three storage versions mein Flipkart par available hai:

  • Zenfone 5Z, 6GB RAM with 64GB ROM ki kimat 29,999 INR hai.
  • 6GB RAM with 128GB internal memory ka price 32,999 INR hai.
  • Jabki Zenfone 5Z ka high-end variant 8GB RAM aur 256GB ROM ke saath 36,999 INR ki kimat par available hai.

Honor 10 bhi Flipkart exclusive smartphone hai jo 6GB RAM aur 128GB ROM ke saath 32,999 INR ki kimat par available hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: