ASUS ROG Phone India Mein Launch Hua; Check Karein Detailed Specs & Price

ASUS ka first gaming smartphone, yaani ki ROG phone aaj India mein enter hua hai. Company ne iske feature aur India price bhi announce kar di hai. ASUS ROG Phone, India mein Flipkart exclusive device hai, aur aaj se hi available bhi hai.

Launch Offers:

  • Is smartphone par aapko 12 months tak ke no cost EMI option bhi mil raha hai.
  • 5,999 INR ka Flipkart complete mobile protection bhi is smartphone ke sath aapko kewal 999 INR mein mil raha hai.
  • Jio users ko ROG Phone purchase karne par 5,400 INR ka cashback aur 4GB per day data ka offer mil raha hai.

Design And Display

ROG Phone ka mostly part, glass se covered hai, halaanki right side mein jahaan par speaker grill hai, wo thoda part metal ka hai. Iske alawa ismein notch nahin hai aur back panel par ROG Phone ka logo hai, jo light ke saath glow karta hai aur aap iske colors change bhi kar sakte hain. Ye smartphone thoda heavy hai lekin attractive hai. Is smartphone ka design dekhkar aap samajh jaayenge ki ise kewal gamers ke liye hi design kiya gaya hai. Ye handset water resistant body ke saath aata hai.

ROG Phone ke rear panel par aapko fingerprint scanner bhi diya gaya hai.

ROG Phone mein 6 inch ki full HD+ AMOLED display hai, jo apko Corning Gorilla Glass 6 protection, Mobile HDR aur Gaming HDR ke sath di gayi hai.

Hardware and Software

ASUS ROG Phone mein 2.96 GHz ki clock speed ke sath Qualcomm ka Snapdragon 845 chipset diya gaya hai. Saath hi ismein aapko 8GB ki LPDDR4x RAM aur 128GB ki inbuilt storage di gayi hai. Lekin ise expand nahin kiya jaa sakta hai. Ismein dual SIM slots to hain, lekin microSD card slot nahin diya gaya hai.

ROG Phone mein Android 8.1 Oreo OS ke saath ROG Gaming X mode UI diya gaya hai.

Camera

Is gaming handset mein 12 MP ke dual rear cameras hain, jo ki dual pixel sensor, f/1.8 aperture, 1/2.55″ Sony IMX363 sensor, LED flash light, 83° field of view, AI scene detection aur PDAF ke saath aate hain.

Iska front camera 8 MP ka hai, jo ki f/2.0 aperture, 84° field of view ke saath aata hai.

Battery

ROG Phone mein 4000mAh ki battery hai, jo 10V 3A fast charging, 30W Qualcomm Quick Charge 4.0, direct charging adapter ke saath di gayi.

ROG Phone And Accessories Pricing Details

ASUS ROG Phone ko India mein 69,999 INR ke price par launch kiya gaya hai.

Is smartphone ko gamers ke liye launch kiya gaya hai. Saath hi gaming accessories bhi launch ki gayi hain. Iske saath Professional Dock aap le sakte hain, jiski kimat 5,499 INR hai. GameVice (Joystick) ki cost 5,999 INR hai. Twin View Dock ko bhi aap 21,999 INR ke price par kharid sakte hain. Desktop Dock ka price 12,999 INR hai aur is smartphone ke case ki kimat 2,499 INR rakhi gayi hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: