ASUS ROG Phone II Announce Hua: Snapdragon 855 Plus Chipset Ke Saath Aane Wala Phone

ASUS ne aaj apna naya premium gaming phone aur ROG Phone ka successor ROG Phone II announce kar diya hai. Sabse khaas baat ye hai ye phone aapko naye Snapdragon 855 Plus Chipset ke saath milne waala hai.

Is high-end smartphone mein apko 6.59 inch ki full HD+ AMOLED display milti hai jo ki 120Hz refresh rate ke saath aayegi. Octa Core Snapdragon 855 Plus chipset ke saath aapko ismein 675MHz Adreno 640 GPU bhi milta hai.

ROG Phone II mein 3D vapor chamber hai, jo efficiently heat ko CPU se door karta hai, taaki aap non-stop gaming enjoy kar sakein. Phone ke back par aapko vents bhi dekh sakte hain. Iske alawa ye pehla ROG Phone hai jismein aapko optical in-display fingerprint scanner bhi milta hai.

ROG Phone II mein 12GB ki LPDDR4x RAM aur 512GB ki internal memory di gayi hai, jo ki UFS 3.0 storage hai. Saath hi ye Android 9.0 Pie OS based ROG UI par chalta hai, jo ki specially games ke liye design ki gayi hai.

Ismein 48 MP ka primary rear camera, Sony IMX586 sensor, f/1.79 aperture aur 4K 60 fps video recording ke saath fitted hai, saath hi secondary 13 MP camera 125 degree ultra wide angle lens ke saath aapko yahaan milta hai. Ismein 24MP ka front camera bhi moujood hai.

ROG Phone II mein 6000mAh ki battery HyperCharge fast charging ke saath di gayi hai. Sath hi ye 30W QC 4.0 fast charging bhi support karta hai.

Is handset mein aapko front facing 5-magnet two speakers milte hain, jo ki dual smart amplifiers ke saath fitted hain. Yahan noise cancellation ke liye quad mics bhi hain. Games ke liye phone mein dedicated ultrasonic AirTriggers hain. Better sound effect ke liye DTS: X ultra surround sound support aur dual vibrating motors XYZ axis bhi yahaan moujood hai.

ROG Phone II ke sath kayi gaming accessories bhi launch ki gayi hain, jinmein AeroActive Cooler II, Aero Case, TwinView Dock II, ROG Kunai Gamepad, Mobile Desktop Dock, Pro Dock, WiGig Display Dock Plus and ROG Lighting Armor Case.

Is handset ko aaj introduce to kiya gaya hai, lekin iski pricing details abhi reveal nahin ki gayi hai. Kal ye smartphone China mein announce hone waala hai, tabhi iski pricing details share ki jayegi.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: