ASUS ROG Phone, 6-inch Ki FHD+ AMOLED Display, 8GB RAM Aur 4000mAh Battery Ke Saath Computex 2018 Mein Announce Hua

ASUS ne aaj Computex 2018 ne dauraan ROG phone launch kiya hai, jo ki company ka pehla gaming smartphone hai. ROG smartphone ko only Black color mein launch kiya gaya hai aur iski pricing details ko lekar abhi koi announcement nahin ki gayi hai.

ROG phone mein 6-inch ki full HD+ AMOLED display hai  jo Corning Gorilla Glass 6 protection, gaming HDR, 550 nits brightness ke saath di gayi hai. Handset ki performance ko enhance karne ke liye company ne ismein 2.96 GHz ki speed ke saath Octa Core Qualcomm Snapdragon 845 chipset diya hai.

ROG phone mein 12 MP ka rear camera, f/1.8 aperture, Sony IMX363 sensor, dual pixel sensor, LED flash light, AI scene detection aur secondary camera ke saath aayega. Iske front panel par bhi 8 MP ka shooter diya gaya hai. Is dual SIM smartphone mein 4000mAh ki battery 10V 3A fast charging aur Qualcomm quick charge 4.0 aupport ke saath aayegi jisse ye handset 1 hour mein 85% tak charge hota hai.

ROG phone ROG Gaming X mode UI par chalta hai jo Android 8.0 Oreo par based hai. Ismein 8GB ki RAM aur 128GB ki internal storage di gayi hai. Iska ek aur high-end version bhi kuch hi months mein aayega jismein 512GB internal memory hogi.

Acche processor ke saath saath, advanced audio performance bhi aapko yahaan par milega kyonki dual front 5 magnet speakers ismein diye gaye hain. Saath hi ASUS ki Noise reduction technology ke saath ismein Ttiple internal microphones bhi moujood hain.

ROG phone ki body water resistant hai aur ismein naya GameCool system hai jo iski thermal efficiency ko improve karta hai, saath hi copper heat spreader aur 3D vapor chamber ki madad se processor aur phone ki body se heat ko bahaar karta hai.

Is smartphone ke rear panel par ROG ka logo hai jo usi color mein dikhega jo aap choose karenge. Ismein aane waali lighting ko aap 5 ROG phones ke saath sync kar sakte ho. Iske alawa is lighting ko aap is smartphone mein lagne waali gaming accessories ke saath bhi synchronize kar sakte ho.

Iske alawa AeroActive Cooler bhi hai jo ROG phone mein 48-pin connector ke saath connect kiya jaa sakta hai jo ki air ko peeche ki taraf blow karte huye is gaming phone ko heat se bachata hai. Iski second accessory hai ike saath attach hone waala TwinView Dock jismein aapko 6-inch ki FHD+ AMOLED display milti hai jo game ko aur bhi jyada interesting banaane ka kaam karta hai. Saath hi aap is second display ko apne team members ya game partners se chatting ke liye ya other apps dekhne ke liye bhi use kar sakte hain.

ROG phone ke saath ek aur accessory jo launch ki gayi hai uska naam WiGig Dock hai jismein inbuilt Wi-Fi hoga taaki aap apne game ko TV ki big screen par cast kar sakein. Iske alawa ye other Game Vice controller se bhi connect karne mein aapko help karega.

ASUS ROG phone ki kimat ka abhi koi andaza nahin hai, lekin iski sabhi accessory alag se sale ke liye available hongi. Iske alawa ROG phone ke high-end version ke saath ye sabhi accessories ek suitcase mein pack kar special bundle ke taur par di jayengi jo August-september mein launch hoga.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: