Asus OMG Days Sale Is Back On Flipkart, Get Discounts Up To 8,000 INR

Flipkart par aaj se Asus OMG Days sale shuru ho gayi hai. Kuch samay pehle hi Asus aur Flipkart ne collaboration announce kiya tha. Ye Flipkart par ASUS ki second sale hai, jo 11th March means aaj se le kar 14th March tak chalegi. Sale ke dauraan company apne high end phones par bhi acha discount de rahi hai. Sale mein aapko No cost EMI ka option bhi diya jaa raha hai. Saath hi iss sale mein aap Flipkart complete mobile protection plan bhi reasonable price mein le sakte hai.

 

 

 

Sale mein Zenfone series ke sabhi phones par aapko discount milega. Yahan aap dekh sakte hain ki kis phone par kitna discount provide kiya jaa raha hai.

 

 

  • Asus Zenfone 5Z

Iss phone mein aapko 2 storage aur RAM variants milte hain. Zenfone 5Z 6GB/128GB variant aapko iss sale mein Rs 24,999 mein milega, Wahin iss phone ka 8GB/256GB variant Rs 28,999 mein diya jaa raha hai. Inn dono hi phones ki regular price par Rs 8,000 ka discount diya gaya hai.

 

  • Asus Zenfone Max Pro M1

Yeh phone 3 storage aur RAM mein aata hai. Company ne iss sale mein iss phone ke teenon model par price cut kiya hai. Zenfone Max Pro M1 3GB/32GB variant Rs 7,999 mein mil raha hai, iss phone ki regular price Rs 10,999 hai. 4GB/64GB variant ke liye aapko Rs 9,999 dene honge aur 6GB/64GB variant ke liye Rs 11,999 dene honge.

 

  • Asus Zenfone Max Pro M2

Iss phone ke 4GB/64GB varint ki regular price Rs 17,999 hai jise sale ke dauraan aap Rs 11,999 mein le sakte hain, wahin iss phone ke 3GB/32GB variant ki running price Rs 15,999 hain jo after discount Rs 9,999  mein diya jaa raha hai.

 

  • Asus Zenfone Max M1

4000mAh ki battery ke saath aane wala yeh phone iss OMG Days Sale mein Rs 6,999 mein mil raha hai. Iss phone ki usual price Rs 8,999 hai. Yeh phone 3GB RAM aur 32GB internal storage ke saath aata hai.

 

  • Asus Zenfone Max M2

Rs 14,999 ki price tag ke saath milne wala yeh aapko iss sale mein Rs 10,499 mein mil raha hai jahan aapko ismein 4GB RAM aur 64GB internal storage milti hai. Iss phone ke 3GB/32GB variant ko aap Rs 8,499 mein le sakte hain jiski regular price Rs 12,999 hai.

 

  • Asus Zenfone Lite L1

Yeh company ka lowest price tag ke saath aane wala phone hai jo ki Rs 6,999 mein aata hai jismein aapko 2GB RAM aur 16GB internal storage milti hai. Company ne iss phone ko bhi OMG Days sale mein include kiya hai. Iss phone ki sale price Rs 4,999 rakhi gayi hai.

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: