ASUS Ne Confirm Ki Zenfone Max Pro M2 Ki Launch Date: Phone ke Sabhi Specs Leak

Zenfone Max Pro M1 ke successor, Zenfone Max Pro M2 ke aane ki khabar to sabhi ko thi, haal hi mein company ne is smartphone ka Indonesia launch bhi announce kiya tha. Lekin aaj ASUS ne Zenfone Max Pro M2 ke India launch ki date bhi confirm kar di hai.

Achhi baat ye hai ki Zenfone Max Pro M2 sabse pehle India mein hi launch hone jaa rahe hain. Company in dono smartphones ko India mein 11th December, 2018 ko launch karne waali hai aur ye dono smartphones Flipkart exclusive honge.

Launch date ki announcement company ne apne Twitter account par share ki aur saath hi ye bhi confirm kiya hai ki Zenfone Max Pro M2 mein Corning Gorilla Glass 6 aayega, jo ki abhi tak kayi flagship handsets mein bhi nahin hai.

Iske alawa is smartphone ke jo specs leak huye hain, unmein 6.3 inch ki full HD+ LCD display, Snapdragon 660 AIE chipset, 4GB RAM aur 64GB internal storage shaamil hai. Iske alawa ismein 6GB RAM aur 128GB ROM storage variant aane ki bhi poori ummid hai. Sources ke according, Zenfone Max Pro M2 mein pehle triple rear camera aane ki khabar this, lekin yahaan aapko ab dual camera hi Milne Wala hai, jinmein se primary camera 13 MP resolution ke saath diya jaa sakta hai.

Saath hi ASUS Zenfone Max Pro M2 mein aapko Android 9.0 Pie OS milne wala hai.

Ummid hai ki, is smartphone ke saath company Zenfone Max M2 ko bhi announce kar sakti hai, jise aap is smartphone ka cheaper version keh sakte hain, lekin isko lekar abhi confirmation nahin hai.

Well, December shuru ho chuka hai aur ab kewal kuch hi din ka intezaar baaki hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: