ASUS Ne Computex 2018 Mein Launch Kiye Kayi Laptops Jinmein Hain Naye Features

ASUS ne Taipei mein chal rahe Computex 2018 ke adauraan kayi laptops bhi launch kiye hain jinmein kaafi kuch khaas hai. Company dwara launch kiye gaye laptops mein ZenBook Pro 15, ZenBook Pro 14, VivoBook S15, VivoBook S14, VivoBook S13, VivoBook Flip 14 aur ek dual display Project Precog shaamil hai.

Sabse pehle is Project Precog ki baat karein to, ye ASUS ka pehla convertible dual screen laptop hai, jismein 360 degree ki hinge dwara two screens ko joda gaya hai. Ismein ek display aapki aankhon ke saamne hogi aur doosri display par aapko touchpad milega. Saath hi ise aap 4 modes mein use kar sakte hain jinmein Stand, Book, Tent aur Flat mode shaamil hain.

Is project precog mein pehli khaas baat to yahi hai ki physical keyboard nahin hai aur doosri ye hai ki ye AI enabled hai. Saath hi dual screen ko aap display extension ya touchpad ki tarah use kar sakte hain. Ismein Window Cortana aur Amazon Alexa support bhi hoga aur saath hi AI features ke saath Microsoft Office 365 bhi diya jayega.

ASUS ZenBook Pro 15 ko 15.6 inch ki 4K UHD display ke saath launch kiya gaya hai aur ismein 8th Generation Intel Core i9 hexa core processor hai jiske saath GeForce GTX 1050Ti GPU aur 1 TB SSD storage di gayi hai.

ASUS ZenBook 14 mein 14-inch ki full HD NanoEdge display hai aur ye 8th Generation Intel Core i7 processor par chalta hai jismein 16GB ki RAM moujood hai. Is laptop mein aapko face unlock feature ke saath front par infrared camera bhi diya gaya hai.

ZenBook 13 ki baat karein to ismein 13.3 inch ki 4K Ultra HD NanoEdge display hai jo touch screen option ke saath di gayi hai. Ise power dene ke liye ismein 8th Generation Intel Core processor moujood hai Iske alawa MIL-STD-810G certification ke saath ye ek sturdy aur rugged laptop hai. Saath hi ZenBook 13 mein aapko Amazon Alexa support bhi milega.

Iske alawa ASUS ne VivoBook S15 aur S14 bhi launch kiye hain jinmein three sides par NanoEdge design ke saath kaafi slim bezels hain aur ye laptops 8th Generation Intel Core i7 processor ke saath aayenge.

VivoBook Flip 14 ki khaasiyat hai iski 360 degree flipable display aur ye bhi NanoEdge design ke saath hi aayegi. Ismein bhi 8th Generation Intel Core i7 processor ke saath 16GB ki RAM aur 1TB SSD storage moujood hai. Iske saath ismein fingerprint sensor bhi diya gaya hai jo touchpad mein bhi integrate kiya gaya hai aur ASUS Pen stylus bhi iske saath aayega.

ASUS ne Computex 2018 mein in sabhi laptops ke alawa ek 27-inch ki display ke saath Zen AiO 27 all-in-one monitor bhi launch kiya hai. Iski display 4K Ultra HD resolution ke saath aayegi aur ye 8th Generation Intel Core i7 processor ke saath chalega. Ismein 32GB ki RAM di gayi hai.

Iske alawa company ne ek aur device launch kiya hai jo ek Wi-Fi router hai aur Alexa support ke saath aayega. Iske alawa aap ise wireless speaker ke taur par bhi use kar sakte hain. Lekin upar mention kiye gaye kisi bhi product ki pricing aur availability details abhi company ne disclose nahin ki hai

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: